Azərbaycan və Gürcüstan arasında 270 milyon dollarlıq dövriyyə!

Azərbaycan və Gürcüstan arasında 270 milyon dollarlıq dövriyyə!

Azərbaycan və Gürcüstan arasında 270 milyon dollarlıq dövriyyə!

Bu ilin birinci rübündə Azərbaycan və Gürcüstan arasında ticarət dövriyyəsinin həcmi 270 mln. 209,3 min dollar təşkil edib.

Gürcüstanın Milli Statistika İdarəsinin ilkin hesabatına görə, yanvar-mart aylarında Azərbaycanın qonşu ölkənin ümumi ticarət dövriyyəsindəki payı 9,6% təşkil edib.

Hesabat dövründə Azərbaycan Gürcüstanın Türkiyə və Rusiyadan sonra 3-cü böyük ticarət tərəfdaşı olub.

Cari ilin ilk 3 ayında Azərbaycan Gürcüstandan 76 mln. 435,2 min dollarlıq məhsul idxal edib. Azərbaycandan qonşu ölkəyə isə 193 mln. 774,1 min dollar dəyərində məhsul ixrac olunub.

Qeyd olunan dövrdə Azərbaycan Gürcüstandan ən çox minik avtomobili (1 380 ədəd) idxal edib. İdxal olunmuş avtomobillərin dəyəri 25 mln. 293,5 min dollar təşkil edib.

Azərbaycanın qonşu ölkədən ən çox idxal etdiyi məhsulların ilk beşliyinə daha sonra siqarlar (14 mln. 275,8 min dollar), medikamentlər (7 mln. 389,2 min dollar), diri iribuynuzlu mal-qara (3 mln. 490,7min dollar) və dəmir və ya aşqarlanmış poladdan çubuqlar (2 mln. 468,8 min dollar) daxildir.

Hesabat dövründə Gürcüstan Azərbaycandan ən çox neft qazları və digər qaz halında karbohidrogenlər (120 mln. 534,8 min dollar dəyərində) idxal edib.

Qonşu ölkəyə Azərbaycandan ən çox ixrac olunmuş məhsullara daha sonra elektrik enerjisi (24 mln. 780,2 min dollar), neft və neft yağları (18 mln. 232,9 min dollar), sement (3 mln. 208,2 min dollar) və gips, anhidrit və gipsli bağlayıcılar (3 mln. 149,1 min dollar) daxildir.

Bu ilin birinci rübündə Gürcüstanın xarici ticarət dövriyyəsinin ümumi həcmi 2 mlrd. 823,8 mln. dollar təşkil edib ki, bu da ötən ilin analoji göstəricisindən 23,3% çoxdur.

Qonşu ölkənin ixracı 28,4% artaraq 740,3 mln. dollar, idxalı isə 21,6% artaraq 2 mlrd. 083,4 mln. dollar təşkil edib.

19.04.2018 09:25

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az