Tikinti materialları istehsalçıları gözəl dövranda - 40% ARTIM

Tikinti materialları istehsalçıları gözəl dövranda - 40% ARTIM

Tikinti materialları istehsalçıları gözəl dövranda - 40% ARTIM

Tikinti materiallarının istehsalı sahəsində fəaliyyət göstərən müəssisələr tərəfindən istehsal edilmiş məhsulun ümumi dəyəri 40,0 faiz artaraq 67,7 milyon manat təşkil etmişdir. "Marja" xəbər verir ki, bu barədə Dövlət Statistika Komitəsinin hesabatında bildirilir.

Mənzil tikintisinin artması (əsasən pilot layihələr) və büdcədən investisiyaların bərpa edilməsi tikinti materialları istehsalını canlandırır.

Hörmə üçün hazır beton qarışığının istehsalı 3,9 dəfə, tikinti kərpicinin istehsalı 1,8 dəfə, sementin istehsalı 52,1 faiz artmışdır.

Metallurgiya sənayesi və hazır metal məmulatlarının istehsalı sahələrində yanvar-fevral aylarında 133,4 milyon manatlıq məhsul istehsal olunmuş, metallurgiya sənayesində 10,0 faizlik azalma, hazır metal məmulatlarının istehsalı sahəsində isə 67,0 faiz artım müşahidə olunmuşdur. Yanvar-fevral ayları ərzində sahə üzrə 110,5 ton (2,2 dəfə çox) alüminium çubuqlar, millər və profillər, 2 100,4 ton (3,8 dəfə çox) misdən elektrik izolyasiyası olmayan çoxdamarlı məftil, tros və kabellər istehsal edilmişdir.

Tikinti materiallarının istehsalı

Məhsul növləri	2018-ci ilin yanvar-fevral aylarında istehsal edilmişdir	Əvvəlki ilin müvafiq dövrünə nisbətən, faizlə	01.03.2018-ci il vəziyyətinə hazır məhsul ehtiyatı
Sement, min ton	352,8	152,1	95,7
Şüşə lifindən iplik, ton	50,5	49,4	-
Tikinti gipsi, min ton	2,3	12,8	0,7
ondan əmtəəlik	1,0	8,4	0,7
Tikinti əhəngi, min ton	3,4	77,2	0,02
Sementdən, süni daşdan və ya betondan tikinti blokları və kərpicləri, min ton	9,1	67,7	5,5
Betondan yığma tikinti konstruksiyaları, min kub m	16,4	72,2	3,6
Asfalt, min ton	4,0	91,8	-
Tikinti kərpici, min kub metr	40,0	1,8 d.	22,2
Hörmə üçün hazır beton qarışığı, min ton	179,9	3,9 d.	-
Emal edilmiş mərmər, travertin, alebastr və onlardan məmulatlar, ton	1 867,8	3,0 d.	127,3

Məhsul növləri	2018-ci ilin yanvar-fevral aylarında istehsal edilmişdir	Əvvəlki ilin müvafiq dövrünə nisbətən, faizlə	01.03.2018-ci il vəziyyətinə hazır məhsul ehtiyatı
Metallurgiya sənayesi məhsulları
Çuqun tökmə, ton	-	-	255,6
ondan əmtəəlik	-	-	255,6
Polad tökmə, min ton	60,3	93,0	2,0
Armatur, min ton	46,2	101,9	1,9
ondan əmtəəlik	44,0	97,1	1,9
Polad borular, ton	9,5	52,5	-
Emal edilməmiş alüminium ərintiləri, min ton	4,5	86,4	0,9