ABŞ Enerji İnformasiya İdarəsi (EIA) keçən il ABŞ-ın xam neft ixracının 2016-cı illə müqayisədə artım göstərdiyini bildirib.
 

"Marja" xəbər verir ki, EIA-dan verilən açıqlamada, 2016-da gündəlik orta hesabla 591 min barel xam neft ixrac edən ABŞ-ın, 2017-də gündəlik orta hesabla 1,1 milyon barrel xam neft ixracı həyata keçirdiyi qeyd olunub.
 

Açıqlamada 86%-lik artım haqqında fərqli səbəblərə işarə olunub.
 

ABŞ-da xam neft qiymətlərinin dünya miqyasına nisbətən daha aşağı olduğuna diqqət çəkilən açıqlamada, bunun bəzi bölgələrdəki Amerikalı neft istehsalçılarının xam neft ixracatını artırdığı qeyd olunub.
 

Açıqlamada, dünyada geniş istifadə edilən Brent növü xam neftin qiymətinin ABŞ-ın Qərbi Texas (WTI) tipli xam neftinin qiymətinə nisbətən (orta hesabla 3,36 dollar) baha olduğu qeyd edilib.
 

Açıqlamada, 2016-da bu fərqin 0,4 dollar olduğu məlumatına yer verilərək, iki neft növü arasında qiymət fərqinin bu il orta hesabla 3,96 dollar olmasının nəzərdə tutulduğu bildirilib.
 

Bundan başqa açıqlamada, ABŞ-ın cənub əyalətlərindəki enerji infrastrukturu investisiyaları sayəsində xam neft kəmərinin daşıma qabiliyyətinin artdığı vurğulanıb.
 

ABŞ-ın enerji mərkəzi qəbul edilən Texas və qonşusu olan Louisiana əyalətlərində liman saylarının artığına toxunulan açıqlamada, Meksika Körfəzinə sahili olan hər iki əyalətin ABŞ-ın xam neft ixracı üçün əhəmiyyət daşıdığı bildirilib.

Ən çox xam neft ixracı Kanada həyata keçirilib

 
EIA, ABŞ-ın keçən il xam neft ixrac etdiyi ölkələrin sayının da 37-yə yüksəldiyini açıqlayıb. ABŞ, 2016-da 27 ölkəyə xam neft ixrac etmişdi.

 
Keçən il ABŞ-ın ən çox xam neft ixrac etdiyi ölkə Kanada olub, Çin əvvəlki illə müqayisədə iki pillə qalxaraq ikinci yeri tutub.

 
ABŞ-ın xam neftini keçən il ən çox alan ölkələr arasında üçüncü yerdə İngiltərə gəlir. Hollandiya dördüncü, Cənubi Koreya da beşincidir.

 
İxrac qadağası 2015-də ləğv edilmişdi

 
Səudiyyə Ərəbistanının nəzarətindəki Neft İxrac Edən Ölkələr Təşkilatı  (OPEC) 1973-cü ildə ABŞ və Qərb müttəfiqlərinə neft embarqosu tətbiq etdikdən sonra, ABŞ Konqresi  hasil edilən xam nefti "strateji" kimi səciyyələndirərək ixrac edilməsini qadağan etmişdi.

 
Buna qarşı, 2008-dəe başlayan ABŞ-ın şist nefti "inqilabı" ölkənin xam neft hasilatını sürətli şəkildə artırdı. Bundan sonra, qadağanın ləğv edilməsi tələb edilməyə başlandı.

 
Dövrün ABŞ Prezidenti Barak Obama, 2015-ci ilin Dekabr ayında sözügedən qadağanı 42 il sonra ləğv etmişdi.