Böyük Britaniyanın Avropa İttifaqından çıxması bir müqavilə olmadan baş verərsə, ən böyük zərəri maliyyə sektoru görəcək və iki tərəfin illik zərəri 58 milyard funt-sterlinq (80 milyard dollar) artacaqdır.
 

 
"Marja" xəbər verir ki, məsləhət şirkəti "Oliver Wyman" və hüquq şirkəti "Klifford Chance" tərəfindən hazırlanan və bu gün açıqlanan hesabata görə, İngiltərə xaricindəki 27 Avropa Birliyi üzvü ölkə hər il gömrük vergiləri və gömrük kənar maneələr olaraq 32 milyard funt-sterlinq ödəmək məcburiyyətində qalacaqlar.

 
Buna qarşılıq Avropa İtifaqına mal satan İngilis ixracatçılar da ildə 27 milyard funt sterlinq ödəyəcəklər.

MAY, GÖMRÜK İTTİFAQINA QARŞIDIR
 

İngiltərənin 2019-da birlikdən çıxmasından əvvəl bir müqavilə bağlaya bilməsə, tərəflər, Dünya Ticarət Təşkilatının qaydalarına və gömrük vergilərinə tabe olacaqlar.
 
 

Hesabata görə, əgər İngiltərə gömrük ittifaqının həyata keçirəcəyi bir sistemdə qalsa, hər iki tərəfin yüklənəcəyi illik xərc yarı-yarıya azalacaq.
 

Ancaq Baş nazir Theresa May gömrük birliyinə qarşı çıxır, çünki bu, ölkəsinin Çin və Hindistan kimi sürətlə böyüyən iqtisadiyyatlarla ikitərəfli ticarət müqavilələri bağlamasına mane olacaqdır.
 

ƏN AĞIR ZƏRBƏNİ MALİYYƏ XİDMƏTLƏRİ SEKTORU ALACAQ
 

Hesabata görə, İngiltərənin müqavilə olmadan Avropa İttifaqından çıxması halında uğrayacağı zərər beş əsas sektor tərəfindən qarşılanacaq: Maliyyə xidmətləri, avtomobil, aqrar-qida-içkilər, istehlakçı malları, kimyəvi məhsullar-plastik.
 

Göründüyü kimi ən ağır zərbəni  maliyyə xidmətləri sektoru alacaq, çünki avtomobil və aviasiya kimi daxili istehlakçıya və ya yan sənayeyə yönəlmə imkanı olmayan bu sektor müştərilərinə xidmət göstərmək üçün Aİ ölkələrində fəaliyyətə keçmək məcburiyyətindədir.
 

İngiltərə Mərkəzi Bankı,  Brexit-ə görə maliyyə sektorundan 10 min nəfərin gələn ilin sonuna qədər ölkədən gedəcəyini söyləyib.