Nyu-York Birjasında indekslər, ABŞ Mərkəzi Bankının (Fed) sədri  Cerom Pauelin (Jerome Powell) təqdimatının ardından günü sərt süqutla başa vurublar.
 

"Marja" xəbər verir ki, "Dow Jones" Sənaye İndeksi 299.24 bənd (1.16 faiz) azalma ilə 25410.03 bənddə, "Standard & Poor's 500" (S&P 500) İndeksi 35.32 bənd (1.27 faiz) azalma ilə 2744.28 bənddə bağlanıb.
 

Nasdaq Texnologiya İndeksi də 91.11 bənd (1.23 faiz) dəyər itirərək 7330.35 bəndə enib.
 

Pauellin ABŞ Konqresində etdiyi təqdimat investorlar tərəfindən "şahin" olaraq qəbul edilib. Belə ki, Fed faizləri artırmaqda davam edəcəkdir.

Pauel çıxışında iqtisadiyyatın gücləndiyini və faizlərin artırılmasının mərhələli davam edəcəyini bilidirib. O, vergi güzəştlərinin daha çox sərmayənin yatırılmasına və iqtisadiyyatın daha da canlanmasına səbəb olacağını deyib.

Fed sədrinin çıxışından sonra Dollar mühüm valyutalar qarşısında bahalaşıb.

Fed-in 2018-ci ildə ilk dəfə Mart ayında faiz artıracağını qəti gözlə baxılır. 

Fed-in iqtisadiyyat və inflyasiyadakı yaxşılaşmaya bağlı olaraq proqnozlardan (3 dəfə) daha sürətlə faiz artıracağı gözləntiləri, ötən həftələrdə maliyyə bazarlarının kəskin reaksiya verməsinə səbəb olmuşdu.

"İQTİSADİYYAT GÜCLƏNİB"
 
Konqres üzvlərinin suallarını cavablandıran Pauell, balansa dair "hədəfimiz Fedin balansının lazım gəldiyindən böyük olmamasıdır" deyib. Pauell böhrandan sonra tətbiq olunan Fed siyasətlərinin təsirli olduğunu, Fed-in simmetrik inflyasiya hədəfinin də işə yaradığını deyib.

 
Pauell bəzi aktiv qiymətlərinin yüksək olduğunu bildirib. Dekabrdan bəri açıqlanan göstəricilərin iqtisadiyyatın möhkəmləndiyinə işarə etdiyini söyləyib.

 
 O, daha aşağı mənfəət vergisinin daha çox investisiya gətirəcəyini qeyd edib. 

Pauell, "Fed-in pul siyasətini müəyyən edən Federal Açıq Bazar Komitəsinin (FOMC) qarşıdakı bir neçə ildə uyğun pul siyasətilə iqtisadiyyatın həddən artıq "qızmasının" qarşısını almaq ilə PCE qiymət indeksini (inflyasiya) davamlı şəkildə 2%-də saxlamaq arasında bir tarazlıq tapmağa çalışacağını" dilə gətirib.

 
FOMC-ın riskləri balanslı olaraq gördüyünü bildirən Pauell, maliyyə siyasətinin daha dəstəkləyici (himayədar) və ABŞ ixracında xarici tələbin daha güclü gedişatda olduğunu deyib.

 
Bazarlarda sonuncu təlatüm ilə bağlı olaraq, Pauell, "Birjalardakı son tənəzzül və yüksələn istiqraz faizləri iqtisadi artıma mənfi təsir göstərməyəcəkdir. Bu proseslərin iqtisadi fəallığa, məşğulluq bazarına və inflyasiyaya əhəmiyyətli bir təsir etmədiyini görürük" şəklində şərh edib.

 
Pauell 12 aylıq inflyasiyanın yuxarı istiqamətli hərəkət etməsini gözlədiklərini və orta perspektivdə FOMC-ın 2%-lik hədəfinə yaxın səviyyələrdə sabitləşəcəyini proqnozlaşdırıb. Pauell maaşların da sürətli şəkildə artacağını söyləyib.

Pauell, "Sağlam əmək bazarı istehlakçı gəlirlərini və xərclərini dəstəkləməyə, ticarət tərəfdaşlarımızın güclü iqtisadi inkişafı ABŞ-ın ixracını artırmağa, iş dünyasında güclü inam və satışlar investisiyaları artırmağa davam etməlidir" deyə bildirib.