Qərb bankları, Çinin nəhəng "Bir kəmər və Bir yol" layihəsində rol almaq üçün bir-biri ilə yarışır. Bu layihəyə "Müasir İpək yolu" da deyilir.
 

"Marja" xəbər verir ki, "Financial Times"ın xəbərinə görə, Qərbdə layihənin Çinin qlobal səviyyədəki təsirini artıracağına dair narahatlıqlara baxmayaraq, ABŞ və İngiltərə bankları layihədə rol almaq üçün cəhdlərini sürətləndirib.
 

Çinin böyük sərmayə qoymağı planlaşdırdığı və "Müasir İpək Yolu" adlandırılan "Bir kəmər və Bir yol" layihəsi, Asiyadan Yaxın Şərqə, Avropaya, Afrikaya uzanacaq bir ticarət şəbəkəsi qurulmasını nəzərdə tutur. 65 ölkə, dünya əhalisinin  60%-ni və qlobal Ümumi Daxili Məhsulun üçdə birini əhatə etməsi planlaşdırılan "Müasir İpək yolu"nun üstündə, Bakı-Tiflis- Qars dəmir yolu da yer alır.
 

"Financial Times", bir çox bankın işlərə başladığını və layihə ilə bağlı onlarla müqavilə imzalamağa nail olduğunu yazıb.
 

Nəhəng layihədə yer almaq istəyən banklar arasında Citigroup, HSBC və Standard Chartered da var. Standard Chartered-in İcraçı direktoru Bill Winters, "Bu layihə reallaşarsa buraya axacaq özəl sektor kapitalı çox böyük olacaqdır. Bizim işimiz ayrı-ayrı hissələri birləşdirməkdir, çünki burada yerli maliyyələşdirmə da gərəkdir" deyib.
 

"Citigroup"un Asiya-Sakit Okean Bank İşi Departamentinin Müdiri Gerry Keefe də, "ABŞ-dan və Asiyadan bir çox transmilli müştərimiz, "Bir kəmər və Bir yol" layihəsini fəaliyyətlərini genişləndirmək üçün böyük bir fürsət olaraq görür" deyə bildirb.
 

Digər tərəfdən İngiltərə və ABŞ hökumətlərinin şübhə ilə yanaşması və layihənin 1-20 illik perspektivdə başlayacağı da bəzi şirkətlər üçün qeyri-müəyyənlik yaradır. "Standard Chartered"ın Çin və Şimali Asiya şefi Ben Hung, "İnvestorlar səbrli olmalıdır. 10-20 il sonraya baxmalıdırlar, bu proses bir iki ildə reallaşmayacaq" ifadələrini istifadə edib.