95 faiz Türkiyənin nəzarət etdiyi bu bazara Azərbaycan da daxil ola bilər

95 faiz Türkiyənin nəzarət etdiyi bu bazara Azərbaycan da daxil ola bilər

95 faiz Türkiyənin nəzarət etdiyi bu bazara Azərbaycan da daxil ola bilər

Sovet dönəmində ölkəmizin cənub bölgəsində ənənəvi təsərrüfat sahələrindən biri də dəfnəçilik olub. Bu gün isə dəfnə ağacları Lənkəran və Astara rayonlarının bəzi həyətyanı sahələrində yalnız dekorativ bitki kimi yetişdirilir. Dəfnəyə olan tələbatı nəzərə alan astaralılar bu sahənin əvvəlki şöhrətini qaytarmaq niyyətindədirlər.

Əsasən subtropik ərazilərdə yetişdirilən həmişəyaşıl dəfnə bitkisi Azərbaycanda 1930-cu illərdən yayılmağa başlayıb. Lənkəran və Astara rayonlarının ərazisində geniş sahələrdə becərilən dəfnə ağacları genişləndirilərək 200 hektardan çox sahəni əhatə edib.

DEPOZİT YERLƏŞDİR, HYUNDAİ GRANDEUR QAZAN

Bioloq Yunus Qulamov həmin illəri xatırlayaraq deyib: “Astara rayonunun Kijəbə qəsəbəsində, keçmiş Lenin adına sovxozun ərazisində ilk dəfə dəfnə bağları salınıb. Təcrübə yaxşı nəticə verdiyi üçün Lənkəranın bütün kəndlərinə paylanılıb.”

Y.Qulamovun sözlərinə görə, dəfnə plantasiyasının 1 hektarından 3,5 ton məhsul tədarük etmək mümkündür. Həm də dəfnənin becərilməsinin maya dəyəri olduqca azdır. Dəfnə ağacı həm quraqlığa, həm də mənfi 20 dərəcə şaxtaya dözümlüdür.

Sovet dövründə dəfnə yarpağından daha çox məişətdə, əsasən də balıqçılıq sənayesində, meyvə-tərəvəz konservlərinin istehsalında geniş istifadə olunub. Hazırda dünyanın əksər ölkələrində dəfnə yarpağı tibbi və kosmetik şirkətlərə yüksək qazanc gətirir.

Dəfnə yarpağından bir çox xəstəlilərin müalicəsində - diş iltihabı, bir çox daxili xəstəliklərdə, şəkərin, təzyiqin aşağı salınmasında istifadə olunur.

Mütəxəssislər bildirirlər ki, əgər tədarük və ixrac məsələsi öz həllini taparsa, qısa müddətdə bu gəlirli sahəni ölkəmizin cənub bölgəsində yenidən dirçəltmək mümkündür.

Qeyd edək ki, hazırda dünya bazarında bu bitkiyə olan tələbatın 90-95 faizini Türkiyə ödəyir.

19.02.2018 05:19

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az