Dolların ucuzlaşması Tramp üçün müsbətdir

Dolların ucuzlaşması Tramp üçün müsbətdir

Dolların ucuzlaşması Tramp üçün müsbətdir

Ağ Evin Mətbuat sözçüsü Sarah Sanders, Ağ Evin gündəlik mətbuat brifinqində dolların dəyərinə dair açıqlama verib.

"Marja" xəbər verir ki, bir mətbuat nümayəndəsinin "Ağ Ev dolların güclü, yoxsa zəif olmasını üstünlük verir?" sualına, Trampın sərbəst məzənnə rejiminə inandığını bildirən Sanders, "Hazırda dollar, ABŞ iqtisadiyyatının yaxşı getməsinə görə olduqca sabitdir" deyib.

VTB-də yüksək depozit faizləri daha çox qazandırır

"Zəif dollar yaxşı xəbərdir"

Doların dəyərinin Ağ Ev-in mətbuat brifinqində gündəmə gəlməsinə, ABŞ-ın xəzinə naziri Steven Mnuchin-in İsveçrənin Davos qəsəbəsində davam edən Dünya İqtisadi Forumunda etdiyi açıqlamalar səbəb olub.

Mnuchin, dollarda son dövrlər baş verən geriləməni qiymətləndirərkən, "Açığı, daha zəif dollar ticarət və imkanlar baxımından yaxşı xəbərdir" ifadəsini işlətmişdi.

Mnuchin, uzun dövrdə isə güclü dolların Amerika iqtisadiyyatının gücünü əks etdirdiyini bildirərək, ABŞ dollarının dünyanın əsas ehtiyat (rezerv) pul vahidi olmağa davam edəcəyinə inandığını dilə gətirmişdi.

İndeks 3 ilin ən aşağı səviyyəsində

ABŞ dollarının avro, Yapon yeni, İngilis funt-sterlinqi, Kanada dolları, İsveç kronu və İsveçrə frankı olmaqla 6 əsas pul vahidinə qarşı dəyərini ölçən Dollar indeksi, bu açıqlamalardan sonra 88,76 səviyyəsinə qədər enib.

Beləliklə, indeks 2014-cü ilin Dekabr ayından bu yana ən aşağı səviyyəsinə geriləyib. Avro/dollar məzənnəsi isə 1,24 səviyyəsini aşıb.

Mütəxəssislər, Amerika dollarında müşahidə edilən ucuzlaşmanın, ABŞ-ın ixracat həcmini artırmağı və xarici ticarət kəsirini azaltmağı hədəfləyən Tramp üçün müsbət olacağını bildirirlər.

"DOLLARIN GÜCLƏNƏCƏYİNİ GÖZLƏYİRƏM"

İsveçrənin Davos qəsəbəsində davam edən Dünya İqtisadi Forumunda çıxış etmiş Beynəlxalq Valyuta Fondunun sədri Kristin Laqard, dolların güclənməsini gözlədiyini söyləyib.

"Doların qiyməti bazar tərəfindən müəyyən olunur" deyən Laqard, "ABŞ-ın vergi islahatı, yəqin ki, dolların möhkəmlənməsinə səbəb olacaqdır" şəklində danışıb.

25.01.2018 12:16

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az