Haramı düzünə həyat verən şirkət!

Haramı düzünə həyat verən şirkət!

Ölkəmizdə qroparklardan biri də Füzuli rayonunun Haramı ərazisində yaradılır.

VTB-də yüksək depozit faizləri daha çox qazandırır

“Natural Aqro” MMC-nin layihə rəhbəri İlham Hacıyev bildirib ki, “Füzuli Aqropark”ın yaradılmasında əsas məqsəd ölkəmizdə idxaldan asılılığın azaldılması, ərzaq təhlükəsizliyinin təmin olunması üçün strateji əhəmiyyətli kənd təsərrüfatı məhsullarının yetişdirilməsidir.

2700 hektar ərazini əhatə edən aqroparkda lazımi infrastruktur yaradılıb. Yeraltı su boruları, 11 ədəd müasir pivot suvarma sistemi, nasosxana və hidratlar qurulub. Aqroparkın su təminatı Yuxarı Mil kanalı vasitəsilə həyata keçiriləcək.

Pivot suvarma sistemlərinin üstünlüklərindən danışan layihə rəhbəri deyib: “Pivot sistemləri dünyada ən müasir və ən səmərəli suvarma sistemləridir. Bu sistemlə suvarma nəticəsində suya qənaət edilir, su itkisinə yol verilmir. Torpaqların şoranlaşmasının qarşısı alınır. Bitkilər vegetasiya dövründə optimal nəmliklə təmin edilir ki, bu da məhsuldarlığı bir neçə dəfə artırır”.

Aqropark ərazisinin 1500 hektarında yüksək reproduksiyalı, məhsuldar payızlıq buğda səpilib. Hazırda ziyanvericilərə, gəmiricilərə qarşı mübarizə tədbirləri aparılır. Yazda isə min hektarda soya və qarğıdalı əkilməsi nəzərdə tutulur.

Ərazidə yardımçı binalar və ofis tikiləcək, kənd təsərrüfatı texnikaları gətiriləcək. Layihə üzrə işlərin 2018-ci ildə tam başa çatdırılması nəzərdə tutulur.

Aqroparkın istifadəyə verilməsi ilə yüzə yaxın məcburi köçkün işlə təmin olunacaq.

Yeni yaradılan aqropark Füzuli rayonunun iqtisadiyyatının daha da inkişafına, ərzaq təhlükəsizliyinin təmin olunması üçün strateji əhəmiyyətli kənd təsərrüfatı məhsullarının istehsalının artmasına, əhalinin məşğulluğunun təmin olunmasına öz töhfəsini verəcək.

22.12.2017 12:58

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az