Bir ayda 9000 ağac calaq edib, 1 - 100 manata satır
Lənkəranın Hirkan qəsəbəsi rayonda meyvə tinglərinin yetişdirildiyi məkan kimi tanınır. Bu kəndin əhalisinin əsas məşğuliyyətlərindən biri bağçılıq və tingçilik təsərrüfatları hesab olunur. Rayonda tanınmış bağbanlardan biri də Fail Ağayevdir.
Hirkan qəsəbə sakini, təcrübəli bağban Fail Ağayev 20 ildir müxtəlif sitrus meyvələri və dekorativ ağac tingləri yetişdirir. Onun əsas məşğuliyyəti təsərrüfatında əkdiyi meyvə ağaclarını calaq etməkdir. Calaq etdiyi ağacların məhsuldar olması səbəbindən Fail Ağayevi Lənkəranda hər kəs tanıyır. Təcrübəli calaqçının bağında becərdiyi hər növ meyvə tinglərini Cənub bölgəsi ilə yanaşı Aran və Şimal bölgəsindən gələn müştərilər alır. Ona daha çox meyvə və dekorativ ağac tingləri sifariş verən paytaxt Bakı sakinləridir.
Təsərrüfat sahibi Fail Ağayev: “Bu təsərrüfatı mən təxminən 10 ildən artıqdır yaratmışam, 11 ilə yaxındır yaratmışam. Əvvəl 45 sot yerim var idi, indi 90 sotu keçib.”
Lənkəranda bir çox kəndlərdə ailələrin qazancının sitrus və subtropik meyvələrdən gəldiyini deyən Fail Ağayev əvvəllər bağlarda daha çox feyxoa əkildiyini bildirdi. Amma son illər bu sahəyə onda marağın azaldığını deyən təcrübəli bağban məhsulun bol, qiymətinin isə ucuz olmasından gileyləndi.
Təsərrüfat sahibi Fail Ağayev: “Feyxoa yetişməyə başlayanda xarici bazarlara çıxarırdılar. Əvvəl biraz çıxır, sonra çıxmır. Ondan sonra da qiymət düşür. İndi haradasa 5-10 günə 20 qəpiyə düşəcək. O da sərf etmir. 235 ədəd 12 il bundan qabaq ağac əkmişəm 250 manat cəmi satışı var. Yəni ki, onun yerinə başqa şey əksəm daha yaxşıdır.”
Ömrünü ağac əkməyə, bağ salmağa həsr edən təcrübəli bağban əkilən ağacların suvarılmasından da söz açdı. O, deyir ki, calanan yeni meyvə ağaclarının suvarılması vacib deyil. Ağac calandıqdan bir gün sonra suvarılır, ondan sonra həmin ağac yaz fəslində suvarılmalıdır. Bağındakı meyvə ağaclarına bu yay quraqlığın heç bir təsir göstərmədiyini deyən Fail Ağayev tinglərin suvarılması üçün suyu Xanbulan su hövzəsindən alır.
Təsərrüfat sahibi Fail Ağayev: “Suvarma ilə bağlı ötən ilə qədər çətinlik olurdu. Fasilələr olurdu. Suyu da bizə Xanbulan su hövzəsindən verirdilər. Bu il qəti problem olmadı. Mənim bağımda ümumiyyətlə problem olmadı.”
Təsərrüfatında daha çox sitrus bitkilərini calaq edən təcrübəli bağban deyir ki, meyvə tingləri əsasən yaz və payız aylarında calaq edilir. Limon, mandarin, portağal, kinkan və qreyfrut kimi ağacları calaq edən Fail Ağayev digər meyvə ağaclarının tinglərinə də tələbatın olduğunu deyir.
Təsərrüfat sahibi Fail Ağayev: “Son zamanlar Avstraliya ağacı olan evkaliptdir. Onun müxtəlif növləri var. Onun alışı güclənib. Ondan sonra maqnoliya var.”
Təsərrüfatında 50-yə yaxın bitki tingləri becərən Fail Ağayev sitrus ağaclarına tələbatın böyük olduğu üçün bu ilin avqustında 9000 ağac calaq edib. Əsasən xarici növ ağaclar əkən təcrübəli bağban vətəni İtaliya, Rusiya, Braziliya, Avstraliya olan 30-a yaxın bitkini yerli iqlim şəraitinə uyğunlaşdıraraq onların tinglərinin satışını da həyata keçirir. Ümumilikdə təsərrüfatında satdığı ağac tinglərinin qiyməti 1 manatdan 100 manata qədərdir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
9 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
10 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
10 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 11 saat əvvəl
-
11 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
11 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır
























