Bu il Göyçayda 40-50 min ton nar gözlənilir - BAYRAMDAN FOTOLAR

Bu il Göyçayda 40-50 min ton nar gözlənilir - BAYRAMDAN FOTOLAR

Bu il Göyçayda 40-50 min ton nar gözlənilir - BAYRAMDAN FOTOLAR

Bu gün “Nar” brendinin sahibi “Azerfon” şirkəti “Nar Bayramı” münasibətilə jurnalistlərin Göyçaya səfərini təşkil edib.

VTB-də yüksək depozit faizləri daha çox qazandırır

"Marja"nın məlumatına görə, alim aqranom, Dövlət Fitosanitar Nəzarəti Xidmərtinin Göyçay rayon üzrə nümayəndəsi, Bitki Mühafizəsi Mərkəzinin rəsi Nazir Məmmədov jurnalistlərə bildirib ki, Göyçayda 3000 hektara yaxın nar bağı var, onlardan 2500 hektarı barverəndir:

“Sövet dövründə Göyçayda nar bağları 5000 min hektara yaxın olub. Torpaq islahatından sonra müəyyən vətəndaşlar narları məhv edib, xurma və taxıl əkiblər. Son vaxtlar isə nara maraq yenidən artıb”.

Nazir Məmmədov bildirib ki, bu il Göyçayda 40-50 min ton nar gözlənilir. Göyçayda 400 ağacdan ibarət bir hektar nar bağından 15-20 ton məhsul əldə etmək mümkündür. Bir ağac orta hesabla 40-50 kq bar verir.

“Göyçayda narın yetişməsi üçün lazım olan torpaq və iqlim şəraiti var, ona görə ən dadlı nar Göyçayda yetişir. Göyçayda yetişən nar, narların şahıdır”,- alim aqronum bildirib.

Nazir Məmmədov əlavə edib ki, son vaxtlar Göyçayda şirin narın bir növü oran tumsuz narın da yetişdirilməsinə başlanılıb: “Ənənəvi narlarda tum olur, bu narda tum demək olar ki, yox dərəcəsindədir”.

Alim əlavə edib ki, nar min bir dərdin dərmanıdır: "Narda bütün lazım olan vitaminlər var. Mədə-bağırsaq xəstəliklərinin müalicəsində istifadə olunur. Qan azlığından şikayət edənlər nar yeməlidirlər. Anginada, xərçəng xəstəliyinin qarşısının alınmasında da nar istifadə olunur. Narın qabığından boyaq maddəsi, tumundan da müxtəlif yağlar alınır".

Qeyd edək ki, bu gün Göyçayda "Nar Bayramı" keçirilir.

03.11.2017 14:50

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az