Kürdən Padarçölə su vurulacaq - 27,5 kilometrlik borular çəkilir
Hacıqabul və Şamaxı rayonlarında, Padarçöl adlanan ərazidə 10 min hektar sahədə suvarma layihəsinin icrası yekunlaşmaq üzrədir.
“Azərsu” ASC-nin mətbuat xidmətindən bildirilib ki, ASC-nin sifarişi ilə icra olunan layihəyə əsasən, əkin sahələrinin suvarılması Hacıqabul rayonunun Talış kəndi yaxınlığında yerləşən Kür sutəmizləyici qurğularının imkanları hesabına aparılacaq. Bu məqsədlə su mənbəyindən Padarçöl ərazisinə ümumi uzunluğu 27,5 kilometr olan 2 ədəd magistral su xəttinin tikintisi layihələndirilib. 1400 millimetr diametrli polad borulardan ibarət xəttin artıq 26 kilometrlik hissəsi tikilib.
İşlərin intensiv qaydada aparılması məqsədilə tikinti-quraşdırma işləri bir neçə nöqtədə paralel olaraq həyata keçirilib. Magistral xəttin Bakı-Tbilisi dəmir yolu və Bakı-Ələt-Qazax-Gürcüstan ilə dövlət sərhədi avtomobil yolu ilə kəsişdiyi yerlərdə nəqliyyat vasitələrinin intensiv hərəkətini təmin etmək üçün avtomobil və dəmir yollarının yatağında xüsusi tunelqazma maşınları vasitəsilə mikrotunellər inşa edilib. Magistral kəmərdə suyun tənzimlənməsi və idarə olunması məqsədilə 16 vantuz, 12 siyirtmə, 18 təxliyə xətti quraşdırılıb.
Bu kəmər vasitəsilə su Padarçöl ərazisində relyef baxımından yüksəklikdə yerləşən anbarlara vurulacaq. Hazırda anbar sahəsində hər birinin tutumu 25 min kubmetr olan 2 ədəd açıq tipli su anbarı inşa olunur. Magistral xəttə suyun vurulması məqsədilə hazırda Kür sutəmizləyici qurğular kompleksində mexaniki avadanlıqların istismar vəziyyətinin yoxlanması və enerji təchizatının yaxşılaşdırılması işləri də aparılır.
Qeyd edək ki, “Azərsu” ASC Hacıqabul və Şamaxı rayonları ilə yanaşı, Zərdab rayonunda da suvarma layihəsi həyata keçirib. Bu məqsədlə Kür çayının sahilində məhsuldarlığı saniyədə 3 kubmetr olan sugötürücü qurğu, nasos stansiyası, diametri 1400 millimetr olan 15 kilometr magistral kəmər inşa edilib. Layihə üzrə işlər 2017-ci ilin iyun ayında başa çatdırılıb.
Qeyd edək ki, Padarçöl ərazisində iri fermer təsərrüfatı yaradılır.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
9 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
10 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
10 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
11 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
11 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır



























