Nvidia-da Jensen Huanqın geri qayıtması çağırışları güclənir
Jensen Huanqın Nvidia-nın baş direktoru vəzifəsinə qaytarılmasını tələb edən onlayn petisiyanı 170 mindən çox şəxs imzalayıb. Huanqın ötən həftə istefasından sonra texnologiya sektorunun tanınmış rəhbərləri, şirkətin əməkdaşları və səhmdarları ona dəstək veriblər.
Marja xəbər verir ki, “Stand with Jensen” (“Jensenə dəstək ol”) kampaniyasına İlon Mask, Y Combinator-un baş direktoru Qarri Tan və Epic Games-in baş direktoru Tim Svini də qoşulublar.
“Financial Times” isə məsələdən xəbərdar bir neçə şəxsə istinadən yazıb ki, Huanq Nvidia-nın baş direktoru vəzifəsinə qayıtmaq imkanını yaxın çevrəsi ilə müzakirə edib.
İlon Mask cümə günü X platformasında petisiyanı imzaladığını bildirib. Qarri Tan da petisiyaya qoşulduğunu açıqlayaraq Huanqla bağlı ədalətli araşdırma aparılmasına çağırıb. Tim Svini isə bazar günü petisiyanı “Jenseni xilas edin!” sözləri ilə paylaşıb.
Shopify-ın baş direktoru Tobias Lütke və Uber-in keçmiş baş direktoru Travis Kalanik də petisiyanı imzaladıqlarını X-də təsdiqləyiblər. Hugging Face-in baş direktoru Jülyen Şomonun adı da imzaçılar siyahısında yer alıb.
CNBC siyahıda özünü Nvidia-nın hazırkı və ya keçmiş əməkdaşı kimi təqdim edən onlarla şəxsin olduğunu müəyyən edib. Petisiya saytında qeyd olunur ki, imzaçılar şirkətlə əlaqələrini özləri göstərirlər və bu məlumatlar yoxlanılmır.
Nvidia yeni baş direktor axtarır
1993-cü ildə Nvidia-nın həmtəsisçilərindən biri olan Huanq şirkətin süni intellekt çiplərinin aparıcı təchizatçısına çevrilməsində mühüm rol oynayıb. O, şəxsi münasibətləri barədə xəbərlər yayıldıqdan sonra şirkətin prezidenti, baş direktoru və direktorlar şurasının üzvü vəzifələrindən istefa verib. Həmin xəbərlərdə qadınlardan birinin Çin kəşfiyyatı ilə əlaqələrinin ola biləcəyindən şübhələnildiyi bildirilirdi.
Nvidia-nın direktorlar şurası baş direktor vəzifəsi üçün həm şirkət daxilindən, həm də kənardan namizədləri nəzərdən keçirir. Şirkətin uzun müddət maliyyə direktoru olmuş Kolet Kress hazırda baş direktor vəzifəsini müvəqqəti icra edir.
Direktorlar şurası Huanqın istefasına səbəb olan hallarla bağlı müstəqil araşdırmanı davam etdirir. ABŞ qanunvericiləri də iddia edilən münasibətin milli təhlükəsizliyə və ölkənin süni intellekt sahəsində liderliyinə mümkün təsirlərini, eləcə də Huanqın prezident Donald Tramp və onun administrasiyası ilə yaxın əlaqələrini araşdırmağa hazırlaşırlar.
Əməkdaşlar və investorlar Huanqa dəstək verir
Petisiyanın müəllifləri Nvidia-nın direktorlar şurasını ədalətli araşdırma aparmağa və Huanqın istefasının səbəbləri barədə daha şəffaf məlumat verməyə çağırırlar. Mask bundan əvvəl Huanqı işə götürməyin onun üçün şərəf olacağını da bildirmişdi.
Özünü Nvidia-da robototexnika mühəndisi kimi təqdim edən Darrell Dai Huanqın istefasından sonra şirkətdən ayrılmaq qərarına gəldiyini açıqlayıb. Onun sözlərinə görə, Huanqın texnoloji baxışı və formalaşdırdığı mühəndislik mədəniyyəti şirkətdə qalmasının əsas səbəblərindən olub. Nvidia-da səkkiz ilə yaxın çalışdığını bildirən Vartika Sinqh isə ailəsində ciddi sağlamlıq problemi yaşandığı dövrdə Huanqın ona göstərdiyi dəstəyi qeyd edib.
Altimeter Capital-ın baş direktoru Bred Gerstner və Atreides Management-dən Qevin Beyker cümə günü açıq məktubla Nvidia-nın direktorlar şurasına müraciət ediblər. Onlar daimi baş direktor barədə qərar verməzdən əvvəl Huanqın geri qayıtması da daxil olmaqla bütün variantların nəzərdən keçirilməsini istəyiblər.
Counterpoint Research-ün araşdırmalar üzrə vitse-prezidenti Nil Şah CNBC-yə bildirib ki, Huanqın mümkün qayıdışı Nvidia səhmlərinə müsbət təsir göstərə bilər. Onun fikrincə, əsas sual direktorlar şurasının Huanqın səlahiyyətlərinə yeni məhdudiyyətlər qoyub-qoymayacağı və bu məhdudiyyətlərin onun əvvəlki sürətlə işləməsinə necə təsir edəcəyidir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
1 gün sonra
ABB Invest ilə “Prior Leasing” istiqrazlarından illik 15% gəlir fürsəti ®
-
15 d. əvvəl
96 yaşlı milyarderdən böyük qərar – 5,5 milyard dollarını ianə etdi
-
21 d. əvvəl
Nvidia-da Jensen Huanqın geri qayıtması çağırışları güclənir
- 30 d. əvvəl
-
48 d. əvvəl
“PAŞA Holding”in dəstəyi ilə Azərbaycan xalçaları Bolqarıstanda nümayiş olunub ®
-
54 d. əvvəl
“Yapı Kredi Bank Azərbaycan” Hüquq Büro xidməti satın alır – TENDER
-
1 saat əvvəl
Qanlı Göl ətrafında genişmiqyaslı abadlaşdırma işlərinə başlanıldı
-
2 saat əvvəl
SOCAR Rumıniyada 110-cu yanacaqdoldurma məntəqəsini istifadəyə verib
- 2 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Nvidia-da Jensen Huanqın geri qayıtması çağırışları güclənir
“Yapı Kredi Bank Azərbaycan” Hüquq Büro xidməti satın alır – TENDER
Ən çox oxunanlar
Qanlı Göl ətrafında genişmiqyaslı abadlaşdırma işlərinə başlanıldı
SOCAR Rumıniyada 110-cu yanacaqdoldurma məntəqəsini istifadəyə verib
BOKT “International”ın illik 15%-lik istiqrazları tam yerləşdirilib – 50 investor 1 milyon manatlıq sifariş verib
Xəzər sahilində torpaq idarəçiliyi bir quruma həvalə edildi – Prezident fərman imzaladı
























