Türkiyədə də ürək, kvadrat və ulduz şəklində qarpız, qovun, alma, limon və xiyarın istehsalına başlanıb.  İstehsalı həyata keçirən iş adamı tələbin ardığı Qətər və İtaliya bazarlarına çıxarmağı hədəfləyir.

 
"Marja"xəbər verir ki, dünyada şəkilləndirilmiş (formalı) meyvə bazarında Yaponiya və ABŞ şirkətləri liderdir. İstehsal və ixracda hökmranlıq edən bu ölkələr ilə bərabər Türkiyənin də bu bazara sevindirici haldır.

İtaliya və Qətərdən sifariş alan türkiyəli sahibkar, digər Avropa və Körfəz ölkələrinə ixrac üçün danışıqlarını  davam etdirir.
 

İş adamı İsmail Yanarateş verdiyi açıqlamada, əlavə dəyəri aşağı bir məhsulun, əlavə dəyəri yüksək ixracat məhsulu halına gətirdiklərini və yüzlərlə adama məşğulluq təmin etdiklərini bildirib.

 
Yanarateş, 2 milyon lirəlik araşdırma investisiyası və 4 illik iş nəticəsində Terkiyədə ürək, kvadrat və ulduz şəklindəki PVC meyvə-tərəvəz qəliblərinə patent alıb.   

 
Yanarateş, Adanada limon, İstanbulda yemiş, qarpız və xiyar, Mersin, Kahramanmaraş və Niğdedə alma, Osmaniyedə də qovun və qarpız istehsal etdiklərinə diqqəti çəkib.
 
 
Türkiyənin şəkilləndirilmiş meyvə-tərəvəz bazarına öz məhsulları ilə daxil olduğunu vurğulayan Yanarateş, belə davam edib.
 
 
"Yaponiya səyahətim zamanı formalı meyvələri görmüşdüm. Bu məhsullar Rusiya, Avropa və Körfəz ölkələrinə ixrac edilir. Yaponiya və Amerika bu bazara hakim vəziyyətdədir. "Türkiyə nə üçün olmasın?"- deyə düşündüm. Ölkəmiz, coğrafi mövqe etibarilə bazarlara çox yaxındır. Bu səbəblərlə istehsala başladıq. Beləliklə, dünyada 2,5 milyard dollarlıq ixracat həcminə malik şəkilli meyvə bazarında Türkiyə də yerini alacaq. Hazırda İtaliya və Qətərlə danışıqlarımız davam edir. Ən yaxın zamanda ixraca başlamağı istəyirik".

 
Yanarateş, məhsullarını ədəd olaraq satışa təqdim etdiklərini bildirərək, ürək və kvadrat şəkilli qovun və qarpızın 180, almanın 23, limonun 20, ürək və ulduz şəklindəki xiyarın isə 7 lirədən daxili bazarda satıldığını deyib.

 
Yanarateş, "Hansı meyvə hansı rayonda daha keyfiyyətli istehsal edilirsə istehsalı orada həyata keçiririk. Təbii üsullarla istehsal edirik. Türkiyədə şəkilləndirilmiş meyvə istehsalına ilk biz başlamışıq və hazırda başqa istehsalçı yoxdur. Buna görə də çox xoşbəxtik. Türkiyənin kənd təsərrüfatında cığır açdığımızı hesab edirik", -deyə bildirib.

 
Məhsullarının, görkəmli market, restoran və mehmanxanalarda yer aldığını bildirən Yanarateş, "Bu məhsullar yemək təqdimatında istifadə edir. Marketlərdən və onlayn satış saytımızdan satın alınaraq hədiyyə məqsədli də istifadə etmək olar. İldə orta hesabla 60 min ədəd qarpız-yemiş, 20 min ədəd limon və alma,100 min ədəd xiyar istehsal edirik", - ifadələrini istifadə etdi.