2029-cu ilin aprel ayından mövcud olan  “GÜVENLİ-SERVİS MANAGEMENT” Məhdud Məsuliyyətli Cəmiyyəti adını və təşkilati-hüquqi formasını dəyişərək “GRAND HAYAT” Mənzil-Tikinti Kooperativinə çevrildiyini elan edib.

Marja.az xəbər verir ki, VÖEN-i 1000640821 olan hüquqi şəxs bundan sonra “GRAND HAYAT” MTK adı altında fəaliyyət göstərəcək.

Dövlət Vergi Xidmətinin kommersiya qurumlarının dövlət reyestrindəki tarixçə məlumatları şirkətdə bundan əvvəl də mühüm dəyişikliklərin baş verdiyini göstərir.

Nizamnamə kapitalı 13,3 milyon manatdan 200 manata endirilib

Reyestr tarixçəsinə əsasən, 27 iyul 2026-cı ildə “GÜVENLİ-SERVİS MANAGEMENT” MMC-nin nizamnamə kapitalı 13 milyon 278 min 845 manat 25 qəpikdən cəmi 200 manata endirilib. Beləliklə, nizamnamə kapitalı 13 milyon 278 min 645 manat 25 qəpik, yaxud təxminən 99,998% azaldılıb. 30 sentyabr 2026-cı il tarixinə Dövlət Vergi Xidmətinin reyestrində şirkətin nizamnamə kapitalı 200 manat göstərilir.

Daha əvvəl kapital artırılmışdı

Reyestr tarixçəsindən görünür ki, şirkətin nizamnamə kapitalı 23 avqust 2024-cü ildə 3 milyon 909 min 868 manatdan 6 milyon 365 min 505 manata yüksəldilib. Bu zaman kapital 2 milyon 455 min 637 manat və ya təxminən 62,8% artırılmışdı. Sonrakı dövrdə reyestrdə şirkətin kapitalının 13 milyon 278 min 845 manat 25 qəpiyə çatdığı görünür. L

Şirkətin rəhbəri də dəyişib

30 sentyabr 2026-cı il tarixinə “GÜVENLİ-SERVİS MANAGEMENT” MMC-nin qanuni təmsilçisi Fərzəli Vaqif oğlu Xəlilovdur. Reyestr tarixçəsində əvvəlki dövrlərdə şirkətin qanuni təmsilçiləri sırasında Ramil Veysəl oğlu Alışov və Sübhan Məmmədbağı oğlu Əliyevin də adları göstərilir.

Şirkətin hüquqi ünvanı Bakı şəhəri, Yasamal rayonu, Tbilisi prospekti, 1054-cü məhəllə olaraq qeyd olunub.

Beləliklə, son dövrdə şirkətdə bir neçə mühüm korporativ dəyişiklik qeydə alınıb: nizamnamə kapitalı kəskin azaldılıb, qanuni təmsilçi dəyişib, indi isə şirkətin həm adı, həm də təşkilati-hüquqi forması dəyişdirilərək “GRAND HAYAT” Mənzil-Tikinti Kooperativinə çevrilib.

Hər gün yeni vakansiyalar - AzVak.az-da