54 investor “FINCA Azerbaijan”ın istiqrazlarına yatırım etdi, 3 milyon manat cəlb etdi

54 investor “FINCA Azerbaijan”ın istiqrazlarına yatırım etdi, 3 milyon manat cəlb etdi

54 investor “FINCA Azerbaijan”ın istiqrazlarına yatırım etdi, 3 milyon manat cəlb etdi

“FINCA Azerbaijan” MM QBKT-nin 3 milyon manat həcmində istiqrazlarının yerləşdirilməsi üzrə hərrac yekunlaşıb.

Marja.az xəbər verir ki, Bakı Fond Birjasında (BFB) AZ2016019203 ISIN kodlu istiqrazların yerləşdirilməsi üzrə hərrac 22 sentyabr 2026-cı il tarixində başa çatıb.

BFB-nin Listinq Komitəsinin 18 sentyabr 2026-cı il tarixli qərarı ilə “FINCA Azerbaijan” MM QBKT-nin istiqrazlarının ticarətə buraxılması üçün “Ticarətə İcazə” qərarı verilmişdi.

3 milyon manatlıq buraxılış tam yerləşdirilib

İstiqraz buraxılışının ümumi həcmi 3 milyon manat, qiymətli kağızların sayı isə 30 min ədəd təşkil edib.

Hərrac zamanı sifarişlərin ümumi həcmi nominal qiymətlə 3 milyon manat olub. Reallaşdırılmış həcm də 3 milyon manat təşkil edib. Beləliklə, istiqraz buraxılışı tam həcmdə yerləşdirilib.

Hər gün yeni vakansiyalar - AzVak.az-da

Bir istiqrazın ilkin ticarət qiyməti 100 manat müəyyən edilib.

İllik gəlirlilik 15 faizdir

Faizli, təmin edilməmiş, sənədsiz və adlı istiqrazların illik gəlirlilik faizi 15% təşkil edir.

İstiqrazların tədavül müddəti 18 aydır. Faiz ödənişləri ilk istiqrazın yerləşdirildiyi tarixdən etibarən hər 3 təqvim ayından bir ödəniləcək.

İstiqrazların yerləşdirilməsi kütləvi, birqiymətli hərrac üsulu ilə həyata keçirilib.

54 investor 55 sifariş verib

Hərracda 54 investor iştirak edib və ümumilikdə 55 sifariş təqdim olunub.

Buraxılışın anderrayteri “Unicapital İnvestisiya Şirkəti” ASC-dir.

Qiymətli kağızların ticarət nəticələri “Bakı Fond Birjasında Qiymətli Kağızların Ticarətə Qəbulu, Listinqə Alınması, Listinqdə Saxlanılması və Delistinqi Qaydaları”nın 4.6-cı bəndinin tələblərinə cavab verdiyindən, istiqrazlar Standart Bazar Listinq seqmentinə alınıb.

FINCA Azerbaijan FINCA Azerbaijan istiqrazları Bakı Fond Birjası BFB istiqraz hərracı 15 faiz gəlirlilik 3 milyon manat 30 min istiqraz AZ2016019203 korporativ istiqrazlar qiymətli kağızlar investorlar 54 investor 55 sifariş Unicapital İnvestisiya Şirkəti Standart Bazar Listinqi istiqraz gəlirliliyi investisiya kapital bazarı.

22.09.2026 16:48