Azərbaycanın daha 8 kəndi turizm mərkəzinə çevriləcək

Azərbaycanın daha 8 kəndi turizm mərkəzinə çevriləcək

Regionlarda 8 yeni turizm məntəqəsinə yol çəkiləcək. Naftalanda 5 yeni turizm məhsulu yaradılacaq. Üç milli parkda yeni turizm xidmətləri istifadəyə veriləcək. İki ov təsərrüfatı beynəlxalq standartlara uyğun qurulacaq

Azərbaycanın daha 8 kəndi turizm mərkəzinə çevriləcək

Azərbaycan Respublikasında turizmin inkişafına dair 2026–2030-cu illər üçün Dövlət Proqramı təsdiq edilib.

Marja xəbər verir ki, Azərbaycanda “Turizm kəndi” konsepsiyasının tətbiqinə başlanılması və turizm potensialına malik 8 kənddə yeni infrastrukturun yaradılması nəzərdə tutulur.

VTB-də minimal faiz dərəcəsi ilə nağd kredit 9.9%-dən

Kəndlər üzrə ayrıca Tədbirlər Planı hazırlanacaq. Avtomobil yolları, kommunal xidmətlər, turizm obyektləri, məlumatlandırma və digər zəruri infrastrukturun inkişaf etdirilməsi planlaşdırılır. Əsas hədəflərdən biri turizm xidməti göstərən ailə təsərrüfatlarının orta illik gəlirlərinin artırılmasıdır.

Dövlət Proqramı çərçivəsində azı 4 dövlət qoruğunda və ya abidə ərazisində yeni dayanıqlı turizm xidmətləri yaradılacaq. Üç milli parkda və ya digər təbiət ərazisində ekoloji turizm infrastrukturu inkişaf etdiriləcək.

Ov turizminin inkişafı məqsədilə ən azı 2 ov təsərrüfatının beynəlxalq standartlara uyğun yenidən qurulması və istifadəyə verilməsi planlaşdırılır.

Regionlarda yerləşən 8 yeni turizm məntəqəsinin avtomobil, avtobus və dəmir yolu əlaqələri yaxşılaşdırılacaq. Ən azı 3 ərazidə hibrid turist informasiya mərkəzləri yaradılacaq.

Naftalanda ayrıca turizm strategiyası hazırlanacaq, Regional Turizm Şurası yaradılacaq və ən azı 5 yeni turizm məhsulu istifadəyə veriləcək. Şəhər infrastrukturunun “yaşlılar üçün turizm” prinsiplərinə uyğunlaşdırılması da nəzərdə tutulur.

turizm kəndi 8 turizm kəndi kənd turizmi regionlarda turizm Naftalan turizmi milli parklarda turizm ov turizmi turizm infrastrukturu ailə təsərrüfatları turist informasiya mərkəzi

20.08.2026 17:20