Azərbaycan 34 ölkə ilə vizasız rejimə keçməyi planlaşdırır

Azərbaycan 34 ölkə ilə vizasız rejimə keçməyi planlaşdırır

Azərbaycan 34 ölkə ilə vizasız gediş-gəliş rejimi tətbiq etməyi planlaşdırır. Ölkəmizdə “rəqəmsal səyyah” vizası yaradılacaq. Sərhəddə viza verilən ölkələrin sayı artırılacaq

Azərbaycan 34 ölkə ilə vizasız rejimə keçməyi planlaşdırır

Azərbaycan Respublikasında turizmin inkişafına dair 2026–2030-cu illər üçün Dövlət Proqramı təsdiq edilib.

Marja xəbər verir ki, Azərbaycan turizm məqsədilə vizasız səfər imkanlarının genişləndirilməsini planlaşdırır.

VTB-də minimal faiz dərəcəsi ilə nağd kredit 9.9%-dən

Dövlət Proqramında 2030-cu ilədək ümumvətəndaş pasportları əsasında 34 hədəf ölkənin vətəndaşlarına vizasız gediş-gəliş rejiminin tətbiqi nəzərdə tutulub.

İlkin mərhələdə vizasız rejim tətbiq edilən hədəf turizm ölkələrinin sayının 28-ə çatdırılması, proqramın sonunda isə bu göstəricinin 34 ölkəyədək artırılması planlaşdırılır.

Çoxdəfəlik elektron vizaların verilməsi prosedurları da təkmilləşdiriləcək. “ASAN Viza” sisteminin texniki imkanlarının yenilənməsi və turizm məqsədilə verilən çoxdəfəlik elektron vizaların sayının artırılması qarşıya qoyulan hədəflər sırasındadır.

Elektron viza və sərhəddə viza tətbiq edilən ölkələrin siyahısının genişləndirilməsi də nəzərdə tutulub. Xüsusilə Körfəz ölkələrində daimi yaşamaq icazəsi olan üçüncü ölkə vətəndaşlarına sərhəddə vizanın müşayiət tələbi olmadan verilməsinin davamlı mexanizmə çevrilməsi nəzərdən keçiriləcək.

Proqramın diqqətçəkən yeniliklərindən biri “rəqəmsal səyyah” viza altnövünün yaradılmasıdır. Bunun üçün beynəlxalq təcrübə öyrəniləcək, Miqrasiya Məcəlləsinə dəyişiklik layihəsi hazırlanacaq və yeni viza altnövünün elektron formada tətbiqinə başlanılacaq. Tədbirin 2027–2028-ci illərdə həyata keçirilməsi planlaşdırılır.

İş elanları AzVak.az-da

Azərbaycana vizasız səfər 34 ölkə ilə vizasız rejim ASAN Viza elektron viza çoxdəfəlik viza sərhəddə viza rəqəmsal səyyah vizası digital nomad visa turist vizası turizm bazarları

20.08.2026 16:59