Neft Fondu “Makroiqtisadi sabitlik” üçün Mərkəzi Banka valyuta transfert edəcək

Neft Fondu “Makroiqtisadi sabitlik” üçün Mərkəzi Banka valyuta transfert edəcək

Neft Fondu “Makroiqtisadi sabitlik” üçün Mərkəzi Banka valyuta transfert edəcək

Xəbər verdiyimiz kimi, Azərbaycan Respublikasının Prezidenti İlham Əliyev “Azərbaycan Respublikası Dövlət Neft Fondunun 2017-ci il büdcəsi haqqında” Fərman imzalayıb.

VTB-də yüksək depozit faizləri daha çox qazandırır

“Marja” xəbər verir ki, Fərman ilə Dövlət Neft Fondunun 2017-ci il büdcəsinin xərcləri də təsdiqlənib.

Məlum olur ki, 2017-ci ildə Neft Fondu “Makroiqtisadi sabitliyin təmin edilməsi məqsədilə” Mərkəzi Banka 7,5 milyard manat (təxminən 4,2 milyard dollar) transfert etməsi nəzərdə tutulur. Bundan başqa, Fondun dövlət büdcəsinə 6,1 milyard manat (təxminən 3,5 milyard dollar) köçürməsi nəzərdə tutulub.

Azərbaycan Respublikası Dövlət Neft Fondunun 2017-ci il büdcəsinin gəlirləri 8 milyard 370 milyon 589,8 min manat, xərcləri isə 14 milyard 483 min 856,0 min manat məbləğində təsdiq edilib.

Sıra №-si	Xərc istiqamətləri	Xərclərin məbləği (min manat)
3.1.	Qaçqınların və məcburi köçkünlərin sosial-məişət və məskunlaşma məsələləri ilə bağlı bəzi tədbirlərin maliyyələşdirilməsi	90 000,0
3.2.	Azərbaycan Respublikasının 2017-ci il dövlət büdcəsinə transfertin yuxarı həddi	6 100 000,0
3.3.	Makroiqtisadi sabitliyin təmin edilməsi məqsədilə Azərbaycan Respublikasının Mərkəzi Bankına transfertin yuxarı həddi	7 500 000,0
3.4.	Samur-Abşeron suvarma sisteminin yenidən qurulması layihəsinin maliyyələşdirilməsi	70 000,0
3.5.	Bakı-Tbilisi-Qars yeni dəmir yolu layihəsinin maliyyələşdirilməsi	165 825,0
3.6.	“2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”nın maliyyələşdirilməsi	29 304,0
3.7.	Cənub Qaz Dəhlizi layihələrində Azərbaycan Respublikasının iştirak payının maliyyələşdirilməsi	496 155,0
3.8.	Azərbaycan Respublikası Dövlət Neft Fondunun idarə edilməsi ilə bağlı xərclər	32 572,0
	Cəmi	14 483 856,0

Qeyd edək ki, Neft Fondunun 2016-cı il büdcəsinin xərcləri cəmi 8 milyard 181 milyon 399,7 manat təsdiq edilmişdi. Ötən il Fondun xərclərində “Makroiqtisadi sabitliyin təmin edilməsi məqsədilə Azərbaycan Respublikasının Mərkəzi Bankına transfert” nəzərdə tutulmamışdı.

11.01.2017 06:53

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az