Xarici investorların qazancını ölkədən çıxarmasına məhdudiyyət olmayacaq

Xarici investorların qazancını ölkədən çıxarmasına məhdudiyyət olmayacaq

Azərbaycanda xarici investorların pul çıxarışına məbləğ məhdudiyyəti ləğv edilir. Xarici investorlar üçün mühüm dəyişiklik: mənfəət və dividendlərin köçürülməsinə limit qoyulmayacaq

Xarici investorların qazancını ölkədən çıxarmasına məhdudiyyət olmayacaq

Qeyri-rezidentlərin Azərbaycan Respublikasında qoyduqları investisiyalardan (o cümlədən daşınmaz əmlak, pay və səhmlərdən) əldə etdikləri mənfəətin, dividendlərin və investisiyanın realizə edilməsi nəticəsində yaranmış əlavə dəyərin (kapital artımının) repatriasiyasına məbləğ məhdudiyyəti tətbiq edilməyəcək.

Bu, Milli Məclisin bu gün keçirilən iclasında müzakirəyə çıxarılan “Valyuta tənzimi haqqında” qanuna təklif edilən dəyişiklikdə əksini tapıb.

Layihəyə əsasən, köçürmə zamanı vəsaitin əvvəllər Azərbaycan Respublikasına gətirilməsini təsdiq edən ilkin gömrük bəyannaməsi və ya bank çıxarışının təqdim edilməsi obyektiv səbəblərdən qeyri-mümkün olduqda, investisiya obyektinin qanuni əldə edilməsini təsdiq edən dövlət reyestrindən rəsmi çıxarış ilkin mədaxil sənədi qismində qəbul edilir.

Qanun layihəsi səsverməyə çıxarılaraq birinci oxunuşda qəbul edilib.

İş elanları AzVak.az-da

Rezidentlər valyuta vəsaiti məbləğinin 30 faizinədək məbləğdə cərimə olacaq

Rezidentlər üçün isə xaricə köçürmələrlə əlaqədar tələb olunan təsdiqedici sənədlərin təqdim edilməməsinə görə cərimələr müəyyənləşir.

Layihəyə əsasən. "Valyuta tənzimi haqqında" qanuna uyğun olaraq xaricə köçürmələrlə əlaqədar tələb olunan təsdiqedici sənədlərin (iştirak payının və ya səhmin əldə edilməsini təsdiq edən sənədin və qanunla nəzərdə tutulmuş digər sənədlərin) həmin qanunla müəyyən edilmiş müddət daxilində müvəkkil banklara və ya qanunla nəzərdə tutulmuş hallarda Azərbaycan Respublikasının Mərkəzi Bankına təqdim edilməməsinə, yaxud həmin qanuna əsasən xaricdən Azərbaycan Respublikasına qaytarılmalı olan xarici valyuta vəsaitlərinin müəyyən edilmiş müddətlərdə müvəkkil banklardakı hesablara köçürülməməsinə görə fiziki şəxslər inzibati xətanın bilavasitə obyekti olmuş valyuta vəsaiti məbləğinin beş faizindən on faizinədək məbləğdə, vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə olunacaq.

Qanun layihəsi səsverməyə çıxarılaraq birinci oxunuşda qəbul edilib.

Hər gün yeni vakansiyalar - AzVak.az-da

qeyri-rezident qeyri-rezident investorlar xarici investorlar investisiya gəlirləri investisiya repatriasiyası mənfəətin repatriasiyası dividendlərin repatriasiyası kapital artımı kapital gəliri investisiyanın realizə edilməsi Valyuta tənzimi haqqında qanun valyuta tənzimi Milli Məclis qanun layihəsi birinci oxunuş Azərbaycan investisiya mühiti xarici investisiyalar daşınmaz əmlak investisiyası pay və səhmlər səhmlərdən gəlir dividend gəliri mənfəət əlavə dəyər məbləğ məhdudiyyəti köçürmə limiti valyuta köçürmələri bank çıxarışı gömrük bəyannaməsi dövlət reyestri rəsmi çıxarış ilkin mədaxil sənədi investisiya obyekti kapital axını investor hüquqları Azərbaycan iqtisadiyyatı

07.07.2026 13:33