"SOCAR-ın bazarımızda iştirakında maraqlıyıq. Artıq SOCAR-ın Misirdə iştirakı ilə bağlı müzakirələrə başlamışıq"

"SOCAR-ın bazarımızda iştirakında maraqlıyıq. Artıq SOCAR-ın Misirdə iştirakı ilə bağlı müzakirələrə başlamışıq"

"SOCAR-ın bazarımızda iştirakında maraqlıyıq. Artıq SOCAR-ın Misirdə iştirakı ilə bağlı müzakirələrə başlamışıq"

Misir şirkətləri Azərbaycanın işğaldan azad edilmiş ərazilərindəki bərpa layihələrində iştirak etməkdə maraqlıdır, Qahirə həmçinin energetika sahəsində Azərbaycan Dövlət Neft Şirkəti (SOCAR) ilə əməkdaşlığın genişləndirilməsinə ümid edir.

Bu barədə Misirin Azərbaycandakı səfiri Husaməddin Əffat Mustafa Reda bildirib.

"Bu gün Misirdə irimiqyaslı geoloji kəşfiyyat işləri aparılır. Biz Azərbaycanın enerji sektorunun aparıcı şirkəti olan Azərbaycan Dövlət Neft Şirkətinin (SOCAR) bazarımızda iştirakında maraqlıyıq. Artıq SOCAR-ın Misirdə iştirakı ilə bağlı müzakirələrə başlamışıq", - səfir qeyd edib.

Onun sözlərinə görə, Misirin neft nazirinin bu yaxınlarda etdiyi səfər zamanı SOCAR-la çox məhsuldar danışıqlar baş tutub.

Bununla yanaşı, diplomat vurğulayıb ki, şirkətlər yekun müqavilələr imzalanana qədər detalları açıqlamırlar: "Biz Azərbaycan şirkətlərinin həm karbohidrogenlərin kəşfiyyatı və hasilatı sahəsində, həm də emal seqmentində iştirakını alqışlayırıq. Biz onlara hərtərəfli dəstək göstərməyə hazırıq".

Səfir vurğulayıb ki, Misir Azərbaycanın işğaldan azad edilmiş ərazilərinin minalardan təmizlənməsi sahəsində artıq Bakı ilə əməkdaşlıq edir:

"Bu, ərazilərin bərpası üçün ən vacib şərtdir. Mütəxəssislərimiz bu sahədə böyük təcrübəyə malikdirlər. Misir şirkətləri həmçinin Azərbaycanın işğaldan azad edilmiş ərazilərində bərpa layihələrində iştirak etməkdə maraqlıdırlar. Əlbəttə, yekun qərarlar iqtisadi məqsədəuyğunluqdan və müqavilə şərtlərindən asılıdır. Lakin iştirak üçün maraq və imkanlar sözsüz ki, mövcuddur".

İş elanları AzVak.az-da

Misir Azərbaycan Misir şirkətləri Azərbaycan-Misir əməkdaşlığı SOCAR Misir enerji sektoru SOCAR Misirdə geoloji kəşfiyyat karbohidrogen kəşfiyyatı neft hasilatı neft emalı enerji əməkdaşlığı Misir neft naziri Husaməddin Əffat Mustafa Reda Misirin Azərbaycandakı səfiri işğaldan azad edilmiş ərazilər azad edilmiş ərazilərin bərpası bərpa layihələri Qarabağ bərpa layihələri minalardan təmizləmə minatəmizləmə əməkdaşlığı Misir-Azərbaycan əlaqələri Azərbaycan şirkətləri Misir bazarı enerji layihələri neft-qaz sektoru beynəlxalq əməkdaşlıq iqtisadi əməkdaşlıq Marja.az

06.07.2026 14:44