Palma yağı təhlükəlidirmi? - Qoşqar Təhməzlidən açıqlama
"Qarğıdalı və günəbaxan yağı istehsalı ilə məşğul olan bir sıra iri müəssisələr və bəzi ölkələrdə bu sahə üzrə fəaliyyət göstərən dairələr palma yağı ilə bağlı mənfi məlumatların yayılmasında maraqlı olublar".Azərbaycan Qida Təhlükəsizliyi Agentliyinin sədri Qoşqar Təhməzli palma yağı ilə bağlı ictimaiyyətdə yanlış təsəvvürlərin formalaşdığını bildirib.
O qeyd edib ki, cəmiyyətdə palma yağının digər bitki yağları ilə müqayisədə daha təhlükəli olması barədə fikir yayılıb, lakin bu yanaşma doğru deyil.
Qoşqar Təhməzlinin sözlərinə görə, palma yağı da digər bitki mənşəli yağlar kimi insan qidası üçün yararlı yağ hesab olunur. Dünyada istehsal edilən qənnadı məhsullarının təxminən 35 faizində palma yağından istifadə edilir.
AQTA sədri bildirib ki, palma yağının qida sənayesində geniş tətbiq olunmasının əsas səbəblərindən biri onun təbii olaraq qatı formada olmasıdır. Bu xüsusiyyət palma yağının əlavə emal proseslərindən daha az keçməsinə imkan yaradır və nəticədə məhsulun maya dəyəri daha ucuz başa gəlir.
Onun sözlərinə görə, məhz bu amil palma yağının bazarda digər yağları sıxışdırmasına səbəb olub. Qoşqar Təhməzli qeyd edib ki, qarğıdalı və günəbaxan yağı istehsalı ilə məşğul olan bir sıra iri müəssisələr və bəzi ölkələrdə bu sahə üzrə fəaliyyət göstərən dairələr palma yağı ilə bağlı mənfi məlumatların yayılmasında maraqlı olublar.
AQTA sədri vurğulayıb ki, palma yağı ilə bağlı əsas məsələ onun mənşəyi deyil, keyfiyyət və təhlükəsizlik göstəriciləridir. Onun sözlərinə görə, digər bitki yağlarında olduğu kimi, palma yağında da çirkləndirici maddələrin səviyyəsi, trans yağların miqdarı və normativ göstəricilərə uyğunluq yoxlanılmalıdır.
Qoşqar Təhməzli aparılan yoxlamaların nəticələri barədə də məlumat verib. O bildirib ki, ekspertizaya cəlb edilən 73 nümunədən 16-da uyğunsuzluq aşkarlanıb.
Uyğunsuz hesab edilən məhsullardan 6 min 392 kiloqramı məhv edilib, 62 min 440 kiloqramı isə insan qidası üçün yararsız sayılaraq utilizasiyaya yönəldilib.
Bununla yanaşı, həmin məhsulların sahibkarlara insan qidası kimi deyil, digər istehsal sahələrində istifadə olunması üçün verildiyi bildirilib.
AQTA sədri yekunda qeyd edib ki, palma yağını digər bitki yağlarından daha təhlükəli məhsul kimi təqdim etmək düzgün deyil. Əsas məsələ istənilən yağ məhsulunun qida təhlükəsizliyi tələblərinə uyğun olması, laborator yoxlamadan keçirilməsi və normativ göstəricilərə cavab verməsidir.
Hər gün yeni vakansiyalar - AzVak.az-da
Bu gönderiyi Instagram'da gör
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
8 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
8 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
9 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
9 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 9 saat əvvəl
- 9 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
10 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 12 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























