PAŞA Bank-ın səhmləri yerləşdirildi: 18 000-ə yaxın unikal investordan 66,3 milyon manatlıq 20 000-dən çox sifariş

PAŞA Bank-ın səhmləri yerləşdirildi: 18 000-ə yaxın unikal investordan 66,3 milyon manatlıq 20 000-dən çox sifariş

Yerləşdirmə nəticəsində nəzərdə tutulan 51,3 milyon AZN həcmində emissiyaya qarşı abunə yazılışı çərçivəsində təxminən 66,3 milyon AZN məbləğində sifariş qeydə alınıb

PAŞA Bank-ın səhmləri yerləşdirildi: 18 000-ə yaxın unikal investordan 66,3 milyon manatlıq 20 000-dən çox sifariş

19 iyun tarixində Bakı Fond Birjasında PAŞA Bankın səhmlərinin ilkin kütləvi təklifinin (IPO) yerləşdirilməsi uğurla yekunlaşıb. Bakı Fond Birjasının Listinq Komitəsinin 3 aprel 2026-cı il tarixli qərarına əsasən Bankın səhmləri ticarətə icazə verilib və emissiya çərçivəsində nəzərdə tutulan 932 926 ədəd sənədsiz adlı adi səhmin yerləşdirilməsi tamamlanıb.

PAŞA Bankın yaydığı press-relidə bildirilir ki, yerləşdirmə nəticəsində nəzərdə tutulan 51,3 milyon AZN həcmində emissiyaya qarşı abunə yazılışı çərçivəsində təxminən 66,3 milyon AZN məbləğində sifariş qeydə alınıb. Ümumilikdə təxmini 18 000-ə yaxın unikal investor, 20 000-dən çox sifariş təqdim olunub. Bu göstəricilər təklif edilən səhmlərə yüksək marağın olduğunu və PAŞA Bankın inkişaf strategiyasına, eləcə də Azərbaycanın kapital bazarlarının gələcək potensialına olan etimadı bir daha nümayiş etdirir.

VTB-də minimal faiz dərəcəsi ilə nağd kredit 9.9%-dən

PAŞA Bank səhmlərinin yerləşdirilməsinin investor strukturu və digər göstəricilər barədə daha ətraflı məlumat növbəti həftə ictimaiyyətə təqdim olunacaq.

Qeyd edilib ki, PAŞA Bank fəaliyyətində qeyri-neft sektorunun inkişafını, real sektorun maliyyələşdirilməsini və iqtisadiyyatın şaxələndirilməsini əsas strateji prioritetlərdən biri kimi müəyyən edib. Azərbaycanla yanaşı Gürcüstan və Türkiyədə fəaliyyət göstərən Bank, müştəri ehtiyacları ətrafında formalaşdırılmış həllər və dayanıqlı inkişaf yanaşması ilə regionda biznesin etibarlı tərəfdaşlarından biri kimi çıxış edir.

İş elanları AzVak.az-da

Həmçinin oxu

PAŞA Bankın IPO-su uğurla yekunlaşdı: investor sifarişləri təklifi 15 milyon manat üstələdi

PAŞA Bank PAŞA Bank IPO PAŞA Bank səhmləri Bakı Fond Birjası BFB ilkin kütləvi təklif IPO Azərbaycanda PAŞA Bank səhmlərinin yerləşdirilməsi PAŞA Bank emissiyası PAŞA Bank investorları 51 3 milyon manat emissiya 66 3 milyon manat sifariş Azərbaycan kapital bazarı fond bazarı qiymətli kağızlar bazarı bank səhmləri səhmlərin yerləşdirilməsi pərakəndə investorlar investor tələbi PAŞA Bank press-reliz real sektorun maliyyələşdirilməsi qeyri-neft sektoru iqtisadiyyatın şaxələndirilməsi

19.06.2026 16:06