İnsanlara “qiymət” biçilib - özbaşınalıq
Respublikamızda sahibkarlığa dövlət dəstəyi və qayğısı fonunda turizm biznesi də inkişaf yolundadır. Amma təəssüf ki, yaradılan bu münbit mühitdən, göstərilən etimaddan sui-istifadə edənlərə də rast gəlinir.
Belələrinin daha çox qazanc götürmək hərisliyi turistlərdə mənfi rəy, fikir formalaşdırır, ümumiyyətlə, insanları narazı salır.
Bəzi sahibkarlar unudurlar ki, narazı turist nəinki növbəti dəfə özü ora gələcək, həm də internet vasitəsilə onun yaydığı rəy başqalarını da bundan çəkindirəcək. Digər tərəfdən, hər bir təşəbbüs və ya fəaliyyət qanunvericiliyə, hüquqi norma və prinsiplərə, nəhayət, mənəvi etiketə uyğun gəlməlidir. İndi özünüz deyin, şəkildə gördüyünüz bu “mənzərə” nə dərəcədə qanuni və xoşdur? Kim sahibkara ixtiyar verib ki, şəlalənin önünü kəssin, orada “hovuz” yaratsın, üstündən dar “cığır” salsın və bura keçidi pullu etsin?
Oğuzun Xalxal kəndi ərazisindəki bu gözəl təbii şəlaləni görməyə gələn yerli və əcnəbi turist çox olur. Xüsusilə də qızmar yay aylarında. Ərazidə fəaliyyət göstərən sahibkar diqqətdən qaçırıb ki, insanlar bura təbiətin təqdim etdiyi gözəllikləri - şəlalə və meşəni görməyə, bunlardan zövq almağa, sərinləməyə, bir sözlə, təbiətlə birbaşa təmasa gəlir. Sahibkarlar yalnız bu fonda əlavə nə isə xidmət təklif edib, qazanc götürə bilər, daha təbiəti “özəlləşdirib” buna görə haqq almaqla yox! Əvvəla, gəlib-gedənin çox olmasına baxmayaraq, bura qədər yolun son bir neçə yüz metri bərbad vəziyyətdədir. Avtomobillərin saxlanılması üçün heç bir şərait yaradılmayıb. Amma əvəzində avtomobil sahiblərinin hər birindən 1 manat haqq tələb olunur.
Şəlalənin töküldüyü yerə də müdaxilə edilib, “biznes” (əslində, haqsız qazanc) marağına “uyğun”laşdırılıb: şəlaləyə yaxınlaşmağa görə məzənnə müəyyənləşdirilib, hətta insanlara “qiymət” də biçilib: buraya bir adam 1 manata buraxılır. Bu “unikal” xidmətlər üçün alınan pula görə də kassa çeki təqdim olunmur. Deməli, həm də hesab-uçotdan gizlədilir...
Qəzet vasitəsilə əlaqədar orqanlara, xüsusilə Mədəniyyət və Turizm Nazirliyinin diqqətinə çatdırmaq istəyirik ki, belə neqativ hallar turizmin inkişafını ləngitməklə yanaşı, ölkəmiz haqqında rəyə mənfi təsir göstərir. Elə bu səbəblərdən yerli turistlər də xaricə yönəlir. Halbuki, Azərbaycan bütün sahələr üzrə yaxın ölkələrdən qat-qat artıq turizm perspektivinə malikdir.
Elxan ELDAROĞLU,
Bakı şəhər sakini, © "Azərbaycan"
Məqalə yayımlandıqdan sonra Rasim Məmmədov adlı oxucu "Marja"ya müraciət edərək, Bakı şəkər sakininin yazdıqlarının həqiqəti əks etdirmədiyini bildirib:
"Mən Oğuzun Xalxal kəndinə 2014-cü ildə olmuşam. Qeyd olunan şəlalə təbii deyil. Yuxarıdan keçən su borularından əlavə xəttlər açılaraq şəlalə görünüşü yaradılmışdır. Orda olanda diqqətlə baxan zaman su borularını görmək mümkündür. Süni şəlalə bütün gün ərzində işləmir. Bəzi saatlarda su dayandırılır".
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
8 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
8 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
9 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
9 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
10 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır



























