Sahibkarların sosial sığorta haqqının hesablanması qaydası dəyişir

Sahibkarların sosial sığorta haqqının hesablanması qaydası dəyişir

Fərdi sahibkarlar xalis gəlirinin 2 faizini dövlət sosial sığorta haqqı olaraq ödəməli olacaq. Lakin bu məbləğ maksimum 400 manat olacaq.

Sahibkarların sosial sığorta haqqının hesablanması qaydası dəyişir

Gələn il yanvarın 1-dən fərdi sahibkarların ödəməli olduqları məcburi dövlət sosial sığorta haqqının hesablanması qaydası dəyişir.

Bu, Milli Məclisin bu gün keçirilən iclasında müzakirəyə çıxarılan “Sosial sığorta haqqında” qanuna təklif edilən dəyişiklikdə əksini tapıb.

VTB-də minimal faiz dərəcəsi ilə nağd kredit 9.9%-dən

Layihəyə əsasən, sahibkarlıq fəaliyyəti üzrə – minimum aylıq əməkhaqqının 15 faizindən az 100 faizindən çox olmamaq şərtilə, gəlirlərinin (xərclər çıxılmadan) 2 faizi miqdarında məcburi dövlət sosial sığorta haqqı ödənəcək.

Xatırladaq ki, hazırda qüvvədə olan “Sosial sığorta haqqında” qanuna görə, sahibkarlıq fəaliyyəti üzrə minimum aylıq əməkhaqqının tikinti sahəsində 50 faizi, digər sahələrdə 25 faizi miqdarında məcburi dövlət sosial sığorta haqqı ödənilirdi. Eyni zamanda bu regionlar üzrə müvafiq faiz tətbiq edilməklə tətbiq edilirdi. Başqa sözlə, bu göstərici Bakı şəhərində minimum aylıq əməkhaqqının 100 faizi, Sumqayıt və Gəncə şəhərlərində 90 faizi, digər şəhərlərdə 80 faizi, rayon inzibati ərazi vahidlərinin inzibati mərkəzi olan inzibati ərazi vahidlərində və qəsəbələrdə 60 faizi, kənd yerlərində 50 faizi miqdarında idi.

İş elanları AzVak.az-da

Dəyişikliyə əsasən, minimum aylıq əməkhaqqı 400 manat qəbul edildikdə sahibkarın aylıq gəliri 5 000 manatdırsa, sosial sığorta haqqı gəlirin 2 faizi – 100 manat təşkil edəcək.

Əgər gəlir 2 000 manatdırsa, 2% = 40 manat hesablanır, lakin bu məbləğ minimum hədd olan 60 manatdan az olduğuna görə sahibkar 60 manat ödəyəcək.

Əgər gəlir 25 000 manatdırsa, 2% = 500 manat olur, amma bu məbləğ maksimum hədd olan 400 manatı keçdiyinə görə sahibkar 400 manat ödəyəcək.

Müzakirələrdən sonra qanun layihəsi səsverməyə çıxarılaraq birinci oxunuşda qəbul edilib.

fərdi sahibkarlar sosial sığorta haqqı sosial sığorta dəyişikliyi 2026 məcburi dövlət sosial sığorta Sosial sığorta haqqında qanun Milli Məclis minimum aylıq əməkhaqqı 2 faiz sosial sığorta gəlirdən hesablanan sosial sığorta sahibkarların sosial ödənişləri tikinti sahəsi sosial sığorta regionlara görə sosial sığorta Bakı sosial sığorta faizi Sumqayıt Gəncə sosial sığorta kənd yerləri sosial sığorta maksimum sosial sığorta məbləği minimum sosial sığorta məbləği sahibkar gəlirindən ödəniş sosial sığorta hesablanması 2026 sosial sığorta qaydası birinci oxunuşda qəbul edildi

21.11.2025 13:16