Neft Fondundan dövlət büdcəsinə transfertin həcmi 1,7 milyard manat azaldılır

Neft Fondundan dövlət büdcəsinə transfertin həcmi 1,7 milyard manat azaldılır

Neft Fondundan dövlət büdcəsinə transfertin həcmi 1,7 milyard manat azaldılır

“2026-cı ildə dövlət büdcəsinin gəlirləri 38,6 milyard manat məbləğində proqnozlaşdırılır. Gəlirlərin 22,2 milyard manatı və ya 57,4 faizi qeyri-neft sektoru üzrə daxilolmalar hesabına reallaşacaqdır ki, bu da cari illə müqayisədə 2,1 milyard manat və ya 10,6 faiz çoxdur. Bununla da, cari xərclərin qeyri-neft gəlirləri hesabına örtülən hissəsi 88 faiz proqnozlaşdırılır”.

Marja xəbər verir ki, bunu maliyyə naziri Sahil Babayev bu gün Milli Məclisin plenar iclasında “Azərbaycan Respublikasının 2026-cı il dövlət büdcəsi haqqında” qanun layihəsinin müzakirəsi zamanı deyib.

VTB-də minimal faiz dərəcəsi ilə nağd kredit 10.49%-dən

Nazir qeyd edib ki, qeyri-neft sektorundan gəlirlərin 13,3 milyard manatını vergi orqanlarının, 6,9 milyard manatını gömrük orqanlarının xətti ilə daxilolmalar, 1 milyard manatını büdcə təşkilatlarının ödənişli xidmətləri üzrə daxilolmalar, 531 milyon manatını sair daxilolmalar, 450 milyon manatını isə dividendlər təşkil edəcəkdir.

Neft-qaz sektorundan gəlirlər isə 16,4 milyard manat və ya büdcə gəlirlərinin 42,6 faizi məbləğində proqnozlaşdırılır. Bu daxilolmaların 3,6 milyard manatı konsorsiumlar və ARDNŞ-in, 12,8 milyard manatı isə Dövlət Neft Fondundan dövlət büdcəsinə transfertin payına düşür.

S.Babayev vurğulayıb ki, qeyri-neft gəlirlərində artım hesabına 2026-cı ildə Fonddan dövlət büdcəsinə transfertin həcmi 1,7 milyard manat azalacaqdır. “Bu amil Dövlət Neft Fondunun ehtiyatlarının qorunması strategiyamıza tam uyğundur".

Beləliklə, cari illə müqayisədə cəmi vergi orqanlarının xətti ilə daxilolmalar 9,1 faiz, gömrük rüsumları və idxala vergi daxilolmaları 4 faiz, ödənişli xidmətlər üzrə daxilolmalar 16 faiz, digər daxilolmalar isə 9,6 faiz çox olacaqdır.

İş elanları AzVak.az-da

2026-cı il dövlət büdcəsi büdcə gəlirləri qeyri-neft sektoru neft-qaz sektoru vergi daxilolmaları gömrük daxilolmaları dövlət büdcəsinə transfert Dövlət Neft Fondu ARDNŞ konsorsium gəlirləri ödənişli xidmətlər dividendlər büdcə proqnozu maliyyə naziri Sahil Babayev dövlət gəlirləri iqtisadi inkişaf büdcə planlaması qeyri-neft gəlirlərinin artımı büdcə xərclərinin örtülməsi

19.11.2025 11:59