InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

EUR/USD məzənnəsi keçən həftə ərzində 1.1837$-a kimi 2% ucuzlaşdıqdan sonra 1.3% bahalaşıb. Lakin 1.20$-ın altında qalan məzənnə, yenidən 1.1837$-a kimi ucuzlaşarsa, əlavə olaraq 1.1732$ və 1.1671$-a kimi də ucuzlaşa bilər.

Eyni zamanda, çərşənbə günü Bakı vaxtı ilə saat 22:00-da açıqlanacaq Amerika Mərkəzi Bankının (FED) faiz qərarı da, bu həftə məzənnəyə güclü təsir edəcək hadisələr arasındadır. Cümə axşamı saat 13:30 və 17:30-da baş tutacaq Piter Praet və Mario Draqinin Avropa Mərkəzi Bankının ümumi iclasında çıxışları da, investorlar tərəfindən böyük maraqla gözlənilir.

GBP

İngiltərə maliyyə bazarlarında isə GBP/USD məzənnəsi sentyabr ayının əvvəlindən etibarən 1.3616$-a kimi 5.5% bahalaşıb və valyuta cütlüyü üzrə qiymətin 1.3739$-a kimi də dəyər qazana biləcəyi proqnozlaşdırılır. Bu həftə İngiltərədə də önəmli şəxslərin çıxışları dünya birjaları iştirakçılarının diqqət mərkəzindədir. Belə ki, bu gün saat 19:00-da İngiltərə Mərkəzi Bankının sədri Mark Karneyin və cümə günü baş nazir Tereza Meyin çıxışları baş tutacaq.

TRY

Türkiyə valyuta bazarlarında da Türk lirəsi keçən həftə ərzində 3.48TL-ə kimi 2.7% ucuzlaşdıqdan sonra 1.7% korreksiya edib. Hal-hazırda 3.44TL-ə ticarət edilən USD/TRY məzənnəsi, yenidən 3.48TL-ə kimi bahalaşarsa, 3.51TL-ə kimi də bahalaşa bilər.

OIL

Avropanın Brent markalı neftinin bir barel qiyməti keçən həftə 55.87$-a kimi dəyər qazandıqdan sonra 54.74$-a kimi ucuzlaşıb. Qiymətin texniki mənzərəsi üzrə təhlillər isə onu göstərir ki, qiymət 55.60$-ın üzərində möhkəmlənərsə, gələcək günlər ərzində 56.63$ və 57.43$-a kimi də dəyər qazana bilər.

GOLD

Əlvan metallar bazarlarında qızıl qiymətləri bazar ertəsi səhər sessiyasında 1314$-a (42.2 $/qram) ticarət edilib. Maliyyə bazarlarında isə qızılın bir unsiya üzrə qiymətinin 1320$-ın altında qaldıqca, 1308$ (42.0 $/qram) və 1292$-a (41.4 $/qram) kimi də dəyər itirəcəyi proqnozlaşdırılır.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.