“Eurolux” mağazalar şəbəkəsinin rəhbəri dələduzluqla üzləşib

“Eurolux” mağazalar şəbəkəsinin rəhbəri dələduzluqla üzləşib

“Eurolux” mağazalar şəbəkəsinin rəhbəri dələduzluqla üzləşib

Bakıda və regionlarda fəaliyyət göstərən “Bergamo” MMC-yə məxsus “Eurolux” mağazalar şəbəkəsinin rəhbəri Günay Kərimova dələduzluqla üzləşib.

“Qafqazinfo”nun əldə etdiyi məlumata görə, şirkətə maliyyə məsələlərində kömək edən 1979-cu il təvəllüdlü Emil Əhmədov şirkət rəhbərliyinin 289 min manat pulunu ələ keçirdiyinə görə ona cinayət işi açılıb.

Cinayət Məcəlləsinin 178.3.2-ci (külli miqdarda zərər vurmaqla dələduzluq etmə) maddəsi ilə təqsirləndirilən şəxsə sentyabrın 23-də Bakı Ağır Cinayətlər Məhkəməsində hökm oxunub.

Bildirilib ki, hadisədən əvvəl Günay Kərimova Nərimanov rayonunda yerləşən mənzilini 365 min manata satıb və daha böyük sahəli ev axtarmağa başlayıb. Bu müddətdə pulun bir hissəsini xərclərinə sərf edib və əlində qalan 289 min manatı dollar valyutasına çevirərək saxlamaq istəyib. G.Kərimova rəhbərlik etdiyi şirkətdə maliyyəçi olan Bəhruza həmin pulu 170 min dollara çevirirməsini istəyib. Bəhruz da öz növbəsində Emildən kömək istəyib, 289 min manatı dollara çevirməsi üçün ona verib. Lakin Emil aldığı pulu ələ keçirib və geri qaytarmayıb.

Barəsində cinayət işi açılan E.Əhmədov ifadəsində bildirib ki, bir müddət yubatdıqdan sonra ona verilən 170 min dollardan cəmi 60 minini qaytarıb. Daha sonra isə qarşı tərəfə ev və iki avtomobil verib.

Bakı Ağır Cinayətlər Məhkəməsində keçirilən prosesdə G.Kərimova ərizə verərək artıq ona dəymiş zərərin ödənildiyini bildirərək şikayətini geri götürüb.

Emilə 2 il sınaq müddəti ilə şərti cəza verilib və barəsindəki ev dustaqlığı qətimkan tədbiri ləğv edilib.

İş elanları AzVak.az-da

Bergamo MMC Eurolux Günay Kərimova dələduzluq Bəhruz Məmmədov maliyyəçi cinayət işi 289 min manat Cinayət Məcəlləsi 178.3.2 Bakı Ağır Cinayətlər Məhkəməsi mənzil satışı dollar valyutası Emil 170 min dollar 60 min dollar ev avtomobil şikayət zərərin ödənilməsi şərti cəza sınaq müddəti ev dustaqlığı Nərimanov rayonu

25.09.2025 11:38