4 startap 50 min manatlıq mükafat fonduna layiq görülüb
Regionlarda innovasiya ekosistemini formalaşdıran “Innostart” layihəsinin final mərhələsi baş tutub. “Backlify”, “SaleX”, “Specdeaf” və “İmYen” startapları 50 min manatlıq mükafat fonduna layiq görülüblər.İnnovasiya və Rəqəmsal İnkişaf Agentliyinin (İRİA) dəstəyi və Azərbaycanın aparıcı innovasiya şirkətlərindən biri olan SUP VC-nin təşkilatçılığı ilə keçirilən “Innostart” layihəsinin “Grand Final” mərhələsi baş tutub.
Ölkənin müxtəlif bölgələrindən yüzlərlə gənci və startapçını bir araya gətirən layihənin yekununda finala çıxmış 17 komanda arasından “Backlify”, “SaleX”, “Specdeaf” və “İmYen” startapları 50 min manatlıq mükafat fonduna layiq görülüblər.
Tədbirdə dövlət qurumları, özəl şirkətlər, startap təsisçiləri və innovasiya mütəxəssisləri iştirak edib.
Rəqəmsal inkişaf və nəqliyyat nazirinin müavini Samir Məmmədov çıxışında son illərdə həyata keçirilən “Onlayn Azərbaycan” layihəsinin ölkədə innovasiya mühitinə geniş imkanlar açdığını vurğulayıb. O həmçinin “Innostart”, “ecomX” və “4ü1arada” kimi təşəbbüslərin regionlarda yeni nəsil sahibkarlığın inkişafına mühüm dəstək verdiyini bildirib.
İRİA-nın sədri Fərid Osmanov isə layihənin regionlarda yaratdığı təsirdən danışaraq, təkcə 2024-25-ci illərdə 4 regionda, 20 şəhər və rayonda 32 maarifləndirmə tədbiri, 8 hakaton, 8 inkubasiya proqramı və 4 “Demo Day”in təşkil edildiyini qeyd edib. Bu tədbirlərdə 2000-dən çox iştirakçı yer alıb. Bundan əlavə, 18 yeni mentor hazırlanıb və müxtəlif dövlət və özəl qurumlarla əməkdaşlıq əlaqələri qurulub.
Final mərasimində Kiçik və Orta Biznesin İnkişafı Agentliyinin nümayəndəsi Samir Hümbətov və layihənin baş təşkilatçısı olan SUP VC şirkətinin icraçı direktoru Rəşad Eyvazov da çıxış ediblər.
SUP VC-nin icraçı direktoru Rəşad Eyvazov tədbirdə çıxış edərək layihənin regionlarda sahibkarlıq mühitinin formalaşmasındakı əhəmiyyətini xüsusi vurğulayıb. O bildirib ki, “Innostart” proqramı vasitəsilə yüzlərlə gənc öz ideyalarını biznes modelinə çevirmək imkanı qazanıb və regionlarda yaradıcı mühitin formalaşmasına ciddi təkan verilib.
Onun sözlərinə görə, SUP VC təkcə paytaxtda deyil, Azərbaycanın müxtəlif şəhər və rayonlarında startapların inkişafı üçün zəruri dəstək mexanizmləri qurur. Bu çərçivədə təşkil edilən hakatonlar, inkubasiya proqramları və mentorluq sessiyaları gənclərə ideyalarını praktiki layihələrə çevirmək üçün real imkanlar yaradıb.
Tədbir çərçivəsində layihənin statistik göstəricilərini əks etdirən təqdimat nümayiş etdirilib, startap komandaları öz layihələrini təqdim ediblər, mentor hazırlığı proqramının məzunlarına sertifikatlar təqdim olunub.
Qeyd edək ki, “Innostart” layihəsi Azərbaycanın regionlarında startap ekosisteminin inkişafına sistemli yanaşmanı təmin edən əsas platformalardan biridir. İnnovasiya və Rəqəmsal İnkişaf Agentliyinin (İRİA) dəstəyi və SUP VC-nin təşkilatçılığı ilə həyata keçirilən bu təşəbbüs gənclərin innovativ ideyalarını biznesə çevirməsinə, onların qlobal bazarlara çıxış imkanlarının artırılmasına və güclü yerli icmaların formalaşmasına şərait yaradır.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
8 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
8 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
9 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
9 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
10 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 12 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır



























