Ən yuxarı statik reklam-3_3
Ən yuxarı (mobil)_30

Bakıda Zəfər Parkı ərazisində Zəfər Muzeyinin tikintisi sürətlə davam edir - Daxili tərtibat işlərinə start verilib

iç səhifə xəbər başlığı altı (mobil)_31
Bakıda Zəfər Parkı ərazisində Zəfər Muzeyinin tikintisi  sürətlə davam edir -  Daxili tərtibat işlərinə start verilib
iç səhifə xəbər şəkil altı-2 (mobil)_32

2024-cü ildə “PAŞA Holding”in sifarişi ilə “PMD Projects” tərəfindən Bakı şəhərində Zəfər Parkı inşa edilib. 2024-cü ilin noyabrın 8-də Zəfər Parkı tam şəkildə tamamlanaraq istifadəyə verilib.

“PMD Projects”dən Marja.az-a bildirilib ki, bu ilin 15 iyul tarixində Park ərazisində inşa olunan Zəfər Muzeyində daxili tərtibat işlərinə start verilib.

Əlavə edilib ki, Zəfər Muzeyi layihəsi xalqımızın qəhrəmanlıq salnaməsini və tarixi zəfərini əbədiləşdirmək, həmçinin bu irsi gələcək nəsillərə çatdırmaq məqsədilə həyata keçirilir. Muzey təkcə sərgi məkanı deyil, həm də milli yaddaşın və qürur duyulası tariximizin rəmzi olacaq

Bu da qeyd edilib ki, Zəfər Muzeyinin inşası zamanı həm əhalinin təhlükəsizliyini təmin etmək, həm də tikinti prosesinin səmərəli icrasını dəstəkləmək məqsədilə Muzey ərazisinə yaxın müəyyən hissələrdə müvəqqəti məhdudiyyətlər tətbiq olunacaq.

Muzeyinin inşası Zəfər Parkının ümumi fəaliyyətinə maneə yaratmır. Park ziyarətçilər üçün açıqdır və əraziyə bir neçə giriş nöqtəsi vasitəsilə daxil olmaq mümkündür.

PAŞA Holding Azərbaycanın aparıcı investisiya şirkətlərindən biri olaraq, milli mədəniyyət və tarixin qorunmasına xüsusi önəm verir. Şirkət Qarabağda – o cümlədən Şuşa, Zəngilan, Ağdam və digər şəhərlərdə – məscidlərin və tarixi abidələrin bərpasını maliyyələşdirməklə ölkənin mədəni irsinin dirçəldilməsinə töhfə verir.

Qeyd: Zəfər Muzeyinə dair təqdim olunan bu vizuallar layihənin ilkin konseptini əks etdirir və inşaat prosesində dəyişilə bilər.

Zəfər Muzeyi PMD Projects PAŞA Holding
15.07.2025 17:10

Müştərilərin xəbərləri

Mobil Manşet alt reklam-2_22
Desktop_Manset_sag_5
Esas-sehifede-reklam-3_8
Əsas səhifədə 3-cü reklam_10
Xəbər mətn sağ 2-ci_16
Xəbər mətn sağ 3-cü-2_17
Xeber_metn_sag_18_2_18
InvestAZ