Startup World Cup Azərbaycan 2025: Regionun iddialı startapları səhnəyə çıxır

Startup World Cup Azərbaycan 2025: Regionun iddialı startapları səhnəyə çıxır

Qalib startap San Fransiskoda keçiriləcək finalda Azərbaycanı təmsil edəcək və 1 milyon ABŞ dolları investisiya uğrunda mübarizə aparacaq.

Startup World Cup Azərbaycan 2025: Regionun iddialı startapları səhnəyə çıxır

20 iyun tarixində Daş Muzeyində baş tutacaq müsabiqədə, qalib startap San Fransiskoda keçiriləcək final mərhələsində ölkəmizi təmsil edəcək.

Dünyanın ən böyük startap müsabiqələrindən biri olan Startup World Cup bu il də Azərbaycanın innovasiya və texnologiya sahəsindəki istedadlarını bir araya gətirir. “SABAH.angels” və “Pegasus Tech Ventures” təşəbbüsü ilə keçiriləcək tədbir, regionun ən perspektivli startaplarını bir platformada toplayacaq.

70-dən çox ölkəni əhatə edən bu yarışma, iştirakçılara beynəlxalq tanınma, qlobal investorlarla əlaqə və texnologiya sahəsində əməkdaşlıq imkanları təqdim edir. Seçim mərhələləri və tədbirlər vasitəsilə komandalar öz ideyalarını təqdim etməklə yanaşı, qlobal şəbəkəyə daxil olmaq fürsəti də qazanırlar.

Yerli və regional startaplar yarışma çərçivəsində ideyalarını beynəlxalq səviyyədə təqdim etmək imkanı qazanacaqlar. Yeddi nəfərlik jüri heyəti tərəfindən seçiləcək qalib, San Fransiskoda keçiriləcək finalda Azərbaycanı təmsil edəcək və 1 milyon ABŞ dolları investisiya uğrunda mübarizə aparacaq.

SABAH.Hub və yarışmanın yerli təşkilatçısı olan SABAH.angels-ın icraçı direktoru Alya Abbaszadə bildirib ki, Startup World Cup bu il “Baku ID” İnvestisiya Günləri çərçivəsində keçiriləcək və bu da tədbirin daha geniş auditoriyaya çatmasına imkan yaradacaq:

“Azərbaycanı, startapların beşiyi sayılan ABŞ-da təmsil edəcək layihənin seçilməsi bizim üçün böyük qürurdur. Belə bir qlobal platformanın regional tərəfdaşı olmaq həm sevindirici, həm də məsuliyyətlidir. Müsabiqə yerli startapların beynəlxalq səviyyədə tanınması və ölkədə innovasiya mədəniyyətinin güclənməsi baxımından mühüm rol oynayır.”

Müsabiqədə iştirak etmək istəyən startapların qeydiyyatı üçün:

www.startupworldcup.io/azerbaijan-regional

Əlavə məlumat almaq üçün:

info@sabahangels.com