Rəqəmsal musiqi inqilabını başlatan, lakin pirat məzmuna görə iflas edən "Napster" 207 milyon dollara satılıb.

Marja xəbər verir ki, 1999-cu ildə qurulduğundan bəri 5-ci dəfə əl dəyişdirən fayl paylaşma pioneri, 3D texnologiya şirkəti "Infinite Reality" tərəfindən satın alınıb. Köhnə hədəflərə çatmağı hədəfləyən texnologiya şirkəti "Napster"i metaverseyə köçürərək virtual konsertlərin, dinləmə yığıncaqlarının və rəqəmsal məhsul satışlarının keçiriləcəyi “yeni musiqi dünyası” qurmağı hədəfləyir.

"Napster" 1999-cu ildə Shawn Fanning və Sean Parker tərəfindən yaradılanda o, istifadəçilərə MP3 fayllarını bir-biri ilə pulsuz paylaşmağa imkan verib. Winamp kimi media pleyerlər vasitəsilə səsləndirilən bu fayllar milyonlarla insana öz kompüterlərində pirat musiqi kolleksiyaları yaratmağa imkan verib.

Ancaq bu yenilikçi model tezliklə səsyazma şirkətləri və sənətçilərin tənqidinə səbəb olub. "Metallica" "Napster"i məhkəməyə verən ilk böyük musiqi qrupu olub. Amerika Səsyazma Sənayesi Assosiasiyası daha sonra hüquqi mübarizəyə qoşulub. Bu məhkəmə prosesləri nəticəsində 2001-ci ildə "Napster" bağlanıb və növbəti il ​​iflas elan edib.

Hüquqi böhranlardan sonra "Napster"in ticarət nişanı əl dəyişdirməyə başlayıb. İflasdan sonra şirkətin aktivləri bir neçə fərqli şirkət tərəfindən satın alınıb. 2016-cı ildən "Napster" lisenziyalı musiqi parçaları təklif edən musiqi axını platformasına çevrilib. Bu gün "Napster" ayda 11 dollara xidmət göstərən, "Spotify" və "Apple Music" kimi nəhəng rəqiblərlə qarşılaşan kiçik, lakin sadiq istifadəçi bazası olan bir platforma kimi fəaliyyət göstərir.

2022-ci ildə blokçeyn şirkəti "Algorand" "Napster"i alıb. Bu alış Web3 texnologiyaları ilə inteqrasiyaya yönəlib. "Infinite Reality"in baş direktoru Con Acunto-nun sözlərinə görə, "Algorand"ın blokçeyn infrastrukturu da "Napster"in cəlbediciliyini artıran amillərdən biri olub.

"Napster"in yeni sahibi böyük düşünür. Çərşənbə axşamı elan edilən alışla, "Napster" metaverseyə keçməyə hazırlaşır. "Infinite Reality" istifadəçilərin birlikdə musiqi dinləyə, konsertlərdə iştirak edə və musiqiçilərdən həm fiziki, həm də rəqəmsal məhsullar ala biləcəyi virtual 3D məkanlar yaratmağı planlaşdırır. 

"The most legendary collab?! Infinite Reality has acquired iconic online music brand @Napster.

With this acquisition, we're expanding and reimagining Napster, empowering artists with new audience monetization and engagement capabilities, underpinned by iR’s #immersive… pic.twitter.com/L4Fig7QFct

— Infinite Reality (@Infinite_iR) March 25, 2025