Azərbaycan Avtomobill Dilerləri Assosiasiyasına yeni sədr seçildi
Assosiasiyanın İdarə Heyətinin sədri postuna son illər təşkilatın icraçı direktoru vəzifəsini həyata keçirən Eyyub Əliyev seçilib.14 mart tarixində Azərbaycan Avtomobill Dilerləri Assosiasiyasının (AADA) ümumi toplantısı baş tutub.
Marja.az bu barədə təşkilatın rəsmi internet saytında istinadən xəbər verir.
Məlumatda deyilir ki, assosiasiyanın təsisçisi və İdarə Heyətinin sədri Natiq Zərbəlinin öz nizamnamə hüququna əsaslanmış müraciətindən sonra İctimai Birliyin növbədən kənar toplantısı çağırıldı. Yığıncağı giriş sözü ilə açan N. Zərbəli ölkənin ilk biznes-assosiasiyalarından olan AADA-nın 25 illik yubileyi münasibəti ilə bütün üzvləri təbrik etdi, təşkilatın yaranma tarixi və görülmüş işləri, gerçəkləşdirilmiş çoxsaylı uğurlu layihələri barədə məlumat verdi.
Bu gün AADA sıralarında 50 avtomobil brendini ölkəmizdə təmsil edən şirkətləri birləşdirir. Təşkilatın əsas məqsədi Azərbaycanda avtonəqliyyat sektorunun inkişafı, sivil avtomobil bazarının formalaşması, ölkənin avtomobil parkının cavanlaşması, yollarda təhlükəsizliyin təmin edilməsi və ekoloji mühitin sağlamlaşmasına dəstək verməkdir. AADA bu istiqamətdə aidiyyatlı dövlət qurumları ilə, Azərbaycan Avtomobil Federasiyası, Azərbaycan Respublikası Sahibkarlar (İşəgötürənlər) Təşkilatı Milli Konfederasiyası (ASK) ilə daim sıx əməkdaşlıq edir, avtomobil sektorunun monitorinqlərini həyata keçirir, avtomobil biznesini tənzimləyən yeni normativ aktlarının işlənib hazırlaması üçün təkliflər irəli sürür.
Bununla yanaşı AADA mütamadi olaraq, dünya avtomobil sənayesinin ən müasir nümunələrinin nümayişi və ekoloji nəqliyyat vasitələrinin təşviqi məqsədilə sərgilər, festivallar, avto-yürüşlər, konfranslar, müsabiqələr və digər tədbirlər təşkil edir. Bunlardan “Caspian Motor Show”, “Caucasus Motor Show”, “Avto-Eko” sərgilərini və avto-festivallarını, “Qızıl Çarx” mükafatını, “Yaşıl ölkə” yürüşlərini, məktəblilər arasında “Gələcəyin avtomobili” dizayn müsabiqələrini və s. misal göstərmək olar. Azərbaycanda ən uzun marşrutlu avtomobil yürüşü AADA tərəfindən 2008-ci ildə “İlhamla İrəli” şüarı altında keçirilib.
“Hər uğurun arxasında güclü komanda və məqsədə sadiqlik dayanır. Bu yolu birlikdə keçməyə kömək edən hər kəsə dərin minnətdarlığımı bildirirəm,” sözləri ilə çıxışını yekunlaşdıran N.Zərbəli ümumi toplantı qarşısında 25 illik liderliyindən sonra sədrlikdən azad olunması barədə təklif irəli sürüb.
AADA üzvləri öz çıxışlarında yaranmasından bu günə qədər təşkilata uğurla rəhbərlik etmiş N.Zərbəlinin təşkilatın fəxri prezidenti seçilməsi təklifini irəli sürüblər. Təklif səsverməyə qoyuldu və qəbul edilib. AADA-nın ali orqanı olan ümumi toplantının qərarına əsasən assosiasiyanın İdarə Heyətinin sədri postuna son illər təşkilatın icraçı direktoru vəzifəsini həyata keçirən Eyyub Əliyev seçilib.
Daha sonra toplantı E.Əliyevin spikerliyi ilə davam etdi. AADA-nın 2025-ci il üçün strateji planları və yol xəritəsi müzakirə olunub.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
8 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
9 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
10 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
10 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























