Qızılın qiymətində rekord: 3000 dollara yaxınlaşdı

Qızılın qiymətində rekord: 3000 dollara yaxınlaşdı

“Təhlükəsiz sığınacaq” aktivlərindən biri olan qızıl artan qeyri-müəyyənlik, geosiyasi risklər və ABŞ-ın yeni gömrük vergi siyasətinin mümkün nəticələri ilə bağlı narahatlıqlar səbəbindən rekordlar qırmağa davam edir.

Qızılın qiymətində rekord: 3000 dollara yaxınlaşdı

"Təhlükəsiz sığınacaq" aktivlərindən biri olan qızıl, gömrük rüsumları siyasətinin mümkün nəticələri ilə bağlı narahatlıqlar səbəbindən rekordlar qırmağa davam edir. Qızılın unsiyasının qiyməti 0,17 faiz də artaraq 2993,94 dolları görüb.

Beləliklə, qiymətli metalın unsiyasının qiyməti 3 min dollara yaxınlaşıb.

VTB-də yüksək depozit faizləri daha çox qazandırır

2025-ci ilin ilk gününə 2620 dollardan başlayan qızılın unsiyası, bu il 13 dəfə rekord qıraraq ilin əvvəlindən təxminən 373 dollar dəyər qazanıb. Qızılın unsiya qiyməti ötən il 27 faiz, bu il isə 17 faiz artıb.

ABŞ prezidenti Donald Trampın tarif (gömrük rüsumları) siyasəti qızıl bazarında ən güclü qiymət artıran amillərdən biridir. Yanvar ayında Donald Tramp ABŞ prezidenti vəzifəsinə gələndən sonra qızılın unsiya qiyməti təxminən 10 faiz dəyər qazanıb.

Analitiklər bildiriblər ki, ABŞ prezidenti Trampın aqressiv tarif siyasətinin nəticələri ilə bağlı narahatlıqlarla yanaşı, geosiyasi və iqtisadi gərginlik fonunda ABŞ Federal Ehtiyat Sisteminin (FED) pul siyasətini yumşaldacağına dair gözləntilər də etibarlı "sığınacaq" kimi qızıla tələbatı artırıb.

Bəzi analitiklər də Ukraynadakı müharibədə atəşkəsə nail olmaq səylərində irəliləyişin olmamasından sonra maliyyə bazarlarında təhlükəsiz sığınacaqlara tələbin artdığını qeyd edərək, geosiyasi qeyri-müəyyənlik mühitində davam edən mərkəzi bank alışlarının da qızılın qiymətinin yüksəlməsinə dəstək verdiyini vurğulayırlar.

14.03.2025 10:12

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az