Tarixi zərər: bir gündə 13 milyard dollarlıq itki
"İnditex" şirkətinin səhmləri kəskin ucuzlaşıb. Şirkətin bazar dəyəri birjada ticarətin ilk saatında 13 milyard avro dəyər itirərək İspaniya birja tarixinin ən böyük dəyər itkisinə səbəb olub.
İspaniyanın moda nəhəngi "İnditex" şirkəti yanvarın 31-də başa çatan dördüncü rübdə 11,2 milyard avro satış həcmi ilə analitiklərin gözləntilərini üstələyib. Marja xəbər verir ki, şirkətin tam maliyyə ili üzrə satışları 10,5 faiz artaraq 38,6 milyard avroya çatıb. Bununla belə, "İnditex", yeni maliyyə ilinə daha yavaş başladığını elan edərək, valyuta məzənnələrindən asılı olmayan artımın 1 Fevral-10 Mart dövründə 4%-ə qədər yavaşladığını bildirib.
Demək olar ki, bütün göstəricilərinin analitiklərin proqnozlarını üstələməsinə baxmayaraq, "İnditex"səhmləri kəskin ucuzlaşıb. İspaniyanın tekstil nəhəngi maliyyə ilinin son rübündə güclü maliyyə nəticələri barədə məlumat verib, lakin günorta ticarətində onun səhmləri 8 faiz ucuzlaşıb. Bu, son beş ilin ən böyük ucuzlaşması idi. "İnditex" səhmləri sonuncu dəfə 12 mart 2020-ci ildə pandemiya və karantin narahatlıqları səbəbindən 10,5 faiz ucuzlaşmışdı.
"İnditex"in bazar dəyəri birjada alqı-satqının ilk saatında 13 milyard avro dəyər itirərək İspaniya fond bazarı tarixində ən böyük itkilərdən birinə səbəb olub. Yalnız "Santander" (2015-ci ilin yanvarında və 2016-cı ilin iyununda) və "Inditex" (üç ay əvvəl) bir gündə 10 milyard avrodan çox dəyər itirmişdi.
Analitiklər bildirirlər ki, şirkətin müsbət maliyyə nəticələrinə baxmayaraq, satışın artım tempinin azalması inkişaf gözləntilərinə mənfi təsir edir. "Bankinter"in analitikləri, "Şirkətin əsasları və biznes modeli hələ də çox möhkəmdir, lakin artımın yavaşlaması və mənfəət marjasının daha da yüksəldilməsinin çətinliyi səhmlərə mənfi təsir edir" deyiblər.
"Inditex"in Baş direktoru Oscar García Maceiras, qısamüddətli dalğalanmalara qapılmadıqlarını vurğulayaraq, “Bir şirkətin bazardakı performansı qısamüddətli deyil, orta və uzunmüddətli perspektivdə qiymətləndirilməlidir. Biz gələcəyə nikbin baxırıq və diqqətimizi davamlı investisiyalar vasitəsilə uzunmüddətli dəyər yaratmağa yönəldirik" deyib
Maliyyə nəticələri və analitik fikirləri
"Inditex"in rüblük xalis mənfəəti 1,42 milyard avro təşkil edib. Bu rəqəm analitik təxminlərindən bir qədər aşağıdır (Bloomberg-in proqnozu: 1,45 milyard avro). Lakin satış gəlirləri (11,21 milyard avro - gözlənilən: 11,15 milyard avro), əməliyyat mənfəəti (EBIT: 1,88 milyard avro - gözlənilən: 1,81 milyard avro) və marja (xalis: 16,8 faiz, ümumi: 24,6 faiz) gözləntiləri üstələyib.
Bir sıra analitiklər "İnditex"in böyümə potensialını tükəndiyini və səhmlərinin hazırda cəlbedici olmadığını bildirirlər. Xüsusilə Asiya və Amerika bazarlarında zəif performansa diqqət çəkən analitiklər, şirkətin gələcək rüblərdə səhmbaşına gəlir artımının yavaşlayacağını proqnozlaşdırır.
Qeyd edilir ki, İnditex hələ də sektorun ən güclü oyunçusudur, lakin zəif istehlak xərcləri nəzərə alınarsa, hazırda şirkətin səhmləri çox bahalıdır.
Digər tərəfdən, Jefferies və JP Morgan, satışların azalmasında müvəqqəti amillərin təsirli olduğunu qeyd ediblər. Jefferies, hava şəraiti yaxşılaşdıqca satışların bərpa olunmağa başladığını və bunun birja hərəkətlərini müəyyən edəcəyini vurğulayıb. JP Morgan isə son həftənin məlumatlarının müsbət olduğunu, lakin ümumi nəticələrin gözləntilərdən bir qədər aşağı olduğunu bildirib.
Müştərilərin xəbərləri
SON XƏBƏRLƏR
- 2 ay sonra
-
4 gün sonra
Şüşə vitrinlərinizi çöl görüntüsünü pozmadan reklam sahəsinə çevirin!
-
11 d. əvvəl
İlk 6 ayda Azərbaycanın qeyri-neft sektoru üzrə ixracı 10 faizə yaxın artıb
-
- 13 d. əvvəl
- 19 d. əvvəl
-
25 d. əvvəl
Azərbaycan və Çin Bakı–Tbilisi–Qars dəmir yolunun gücləndirilməsinə dair razılığa gəldi
-
35 d. əvvəl
Tramp: Mis idxalına 50% gömrük rüsumu avqustun 1-dən başlayacaq
- 53 d. əvvəl
- 1 saat əvvəl
-
15 saat əvvəl
Tarixdə 4 trilyon dollarlıq bazar dəyərinə çatan ilk şirkət oldu
- 16 saat əvvəl
-
17 saat əvvəl
Birinci Özbəkistan-Azərbaycan Parlamentlərarası Forumda panellər üzrə müzakirələr aparılıb
Son Xəbərlər

Azərbaycan neftinin son qiyməti

İqtisadiyyat və Humanitar Kollecdə yeni təyinatlar olub

Tramp: Mis idxalına 50% gömrük rüsumu avqustun 1-dən başlayacaq

Rusiya 2 Azərbaycan şirkətinə məhdudiyyət qoydu

Tarixdə 4 trilyon dollarlıq bazar dəyərinə çatan ilk şirkət oldu
Ən çox oxunanlar

Dolların sabah üçün rəsmi məzənnəsi müəyyən olunub

Birinci Özbəkistan-Azərbaycan Parlamentlərarası Forumda panellər üzrə müzakirələr aparılıb

"Birkart BOKT" istiqraz buraxılışı yolu ilə 2 milyon manat cəlb edir

"Bank BTB"nin Müşahidə Şurasında dəyişiklik gözlənilir

"Azərbaycan Dəmir Yolları" və “Çin Dəmir Yolları” anlaşdı

Misin qiymətində rekord
