Tramp İlon Maska dəstək göstərmək üçün Tesla alacağını bildirib

Tramp İlon Maska dəstək göstərmək üçün Tesla alacağını bildirib

Tramp İlon Maska dəstək göstərmək üçün Tesla alacağını bildirib

ABŞ prezidenti Donald Tramp bazar ertəsi axşam bildirib ki, administrasiyası ilə işlədiyinə görə təriflədiyi Tesla şirkətinin rəhbəri İlon Maska dəstək nümayişi olaraq yeni Tesla avtomobili alacaq.

Marja xəbər verir ki, Trampın açıqlaması, Maskın rəhbərlik etdiyi Hökumətin Səmərəliliyi Departamentinin (Department of Government Efficiency - DOGE) hərəkətləri ilə bağlı artan ictimai narazılıq fonunda verilib. Hökumətin Səmərəliliyi Departamenti bir neçə federal agentlikdə işdən çıxarmalara və maliyyə vəsaitlərinin kəsilməsinə rəhbərlik etmişdir.

"Radikal sol dəlilər, tez-tez etdikləri kimi, qeyri-qanuni və əlbir olaraq Tesla-nı boykot etməyə çalışırlar. Mən sabah səhər Elon Maska etimad və dəstək nümayişi olaraq tamamilə yeni Tesla alacağam", - Tramp sosial mediada yazıb.

Trampın açıqlaması, ABŞ və Avropada Tesla zavodlarına qarşı keçirilən etiraz aksiyaları və vandalizm barədə bir neçə xəbərdən sonra, DOGE-nin hərəkətləri ilə bağlı ictimai qəzəbin artması fonunda verilib.

Pisləşən brend imici Tesla-nın avtomobil satışına mənfi təsir edir. Son məlumatlar göstərib ki, elektrikli avtomobil istehsalçısının Avropada satışları yanvar ayında Çin və yerli oyunçuların artan rəqabəti fonunda da kəskin şəkildə azalıb.

Tramp vəzifəyə gəldikdən sonra sürətlə bahalaşan Tesla şirkətinin səhmləri ilə bağlı indi vəziyyət dəyişib. Tesla-nın səhmləri ilin əvvəlindən bəri 45 faiz ucuzlaşıb. Şirkətin bazar dəyəri 600 milyard dollar azalıb.

11.03.2025 10:51

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az