“ABAD” 2024-cü ili 2,8 - 2,9 milyon manatlıq satış həcmi ilə başa vuracaq"

“ABAD” 2024-cü ili 2,8 - 2,9 milyon manatlıq satış həcmi ilə başa vuracaq"

“ABAD” təşəbbüsünə vətəndaşların minimum risklə mikro və kiçik bizneslə məşğul olmasına imkan verən şəraitin yaradılması, habelə dövlət dəstəyinin səmərəliliyinin artırılması məqsədilə start verilib. “ABAD” “ASAN xidmət” kimi tanınan hökumət strukturunun tabeliyində yaradılıb.

“ABAD” 2024-cü ili 2,8 - 2,9 milyon manatlıq satış həcmi ilə başa vuracaq"

“Ötən dövr ərzində “ABAD”ın fəaliyyətini uğurlu və faydalı kimi qiymətləndirirəm”.

Bunu “ABAD”ın sədri Rüfət Elçiyev bildirib.

VTB-də yüksək depozit faizləri daha çox qazandırır

O deyib ki, təşkilat ümumilikdə mərkəzin 640 üzvünə xidmət göstərib və hazırda mərkəzə qoşulanlarla 517 aktiv müqavilə var. Onlardan 309 iştirakçı və ya 60 faizi “ABAD”ın dəstəyi sayəsində rəsmi olaraq sahibkarlıq fəaliyyəti ilə məşğul olmağa başlayıb.

“Layihədə hər il minlərlə vətəndaşın iştirakı sayəsində ölkədə 3 milyon manata yaxın əlavə məhsul istehsal olunur və bu rəqəm ildən-ilə artaraq idxaldan asılılığı azaldır. Suvenir məhsulları da mühüm rol oynayır. Satışın həcmi illik 1 milyon manatdır və alıcıların böyük hissəsi xarici turistlərdir ki, bu da faktiki olaraq ixraca bərabərdir. Bu gün iştirakçılarımızın 76 faizini sənətkarlar təşkil edir ki, bu da Azərbaycanın sənətkarlıqla bağlı qeyri-maddi mədəni irsinin qorunub saxlanmasına öz töhfəsini verir”, - deyə sədr bəhs edib.

Rüfət Elçiyevin sözlərinə görə, layihə iştirakçıları arasında Bakı lider mövqe tutur və ümumi həcmin 54 faizini təşkil edir.

“Regionlar da müxtəlif və rəqabətqabiliyyətli biznes layihələri yaratmağa imkan verən unikal xüsusiyyətlərə və resurslara malikdir. Hazırda üzvlərimizin 46 faizi ölkənin bütün iqtisadi rayonlarını təmsil edir”, - deyə həmsöhbətimiz əlavə edib.

Rüfət Elçiyev 2024-cü ili təşkilat üçün uğurlu hesab edir. 2024-cü ilin 11 ayı üzrə göstəricilər onu deməyə imkan verir ki, il 2,8-2,9 milyon manatlıq satış həcmi ilə başa vurulacaq.

“Bizim bütün səylərimiz müstəsna olaraq iştirakçıların sayını və onların məhsullarının satış həcmini artırmağa yönəlib. Bu kontekstdə 2025-ci ildə 3 milyon manatlıq satış həcmini keçərək bu istiqamətdə işi davam etdirəcəyik”, - deyə sədr yekunlaşdırıb.

25.12.2024 10:22

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az