"Neolit" restoranında yanğın! - YENİLƏNİB

"Neolit" restoranında yanğın! - YENİLƏNİB

Yanğın "Neolit" restoranında baş verib və obyektin anbarını əhatə edir. Hazırda yanğının söndürülməsi istiqamətində tədbirlər görülür.

"Neolit" restoranında yanğın! - YENİLƏNİB

Paytaxtın Nizami rayonunda yerləşən “Neolit” restoranında baş verən yanğın zamanı xəsarət alan olmayıb.

Bu barədə hadisə yerində jurnalistlərə açıqlamasında Fövqəladə Hallar Nazirliyinin Dövlət Yanğından Mühafizə Xidmətinin İctimaiyyətlə əlaqələr sektorunun rəisi Əlibala Əlizadə bildirib.

O qeyd edib ki, yanğın tam söndürülüb, hazırda ərazidə baş vermiş yanğınla bağlı konstruktiv söküntü işləri aparılır.

XXX

Xəbər veildiyi kimi, paytaxtın Nizami rayonu, M.Əliyev küçəsində yerləşən obyektdə ( "Neolit" restoranı) yanğın baş verməsi barədə Fövqəladə Hallar Nazirliyinin “112” qaynar telefon xəttinə məlumat daxil olub və dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Yanğınsöndürənlərin çevik müdaxiləsi sayəsində şadlıq evinin anbar hissəsində baş vermiş yanğının yayılmasının qarşısı alınıb.

Hazırda yanğının söndrülməsi istiqamətində tədbirlər davam etdirilir.

Əlavə məlumat veriləcək.

XXX

Bakıda yanğın baş verən obyektin "Neolit" restoranı olduğu müəyyənləşib.

"Report"un məlumatına görə, yanğın restoranın anbarında baş verib.

Hazırda FHN qüvvələri tərəfindən yanğının söndürülməsi istiqamətində tədbirlər görülür.

XXX

Bakıda obyekt yanır.

Bu barədə FHN Mətbuat xidmətindən bildirilib.

Qeyd edilib ki, “112” qaynar telefon xəttinə Bakı şəhəri, Nizami rayonu, M.Əliyev küçəsində yerləşən obyektdə yanğın baş verməsi barədə ilkin məlumat daxil olub və dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Hazırda yanğınla mübarizə tədbirləri davam etdirilir.

Əlavə məlumat veriləcək.

19.12.2024 09:52