"Xurma bağlarda qalıb, qiymət 20 qəpiyə düşsə də, alıcı tapılmır"
Tonlarla xurma ya dərilmədən çürüyür, ya da çöl quşlarına yem olur. Xurmanın yerindən alış qiyməti ilə bazarlardakı satış qiyməti arasındakı fərq 5 dəfəyə çatırBu il havaların əlverişli keçməsi sayəsində Xaçmaz və Şabran rayonlarında salınmış xurma bağlarında bol məhsul yetişdirilib. Bununla belə, məhsul bolluğuna baxmayaraq, sözügedən rayonların fermerləri yetişdirdikləri meyvənin satışında problemlə üzləşiblər.
Təsərrüfat sahibləri bu il satışının çox zəif olduğunu, bu vəziyyətin onları maddi zərərə uğratdığını deyirlər. O baxımdan, fermerlərin əksəriyyəti yetişdirilməsi üçün əziyyət və xərc çəkdikləri xurmanı dəyər-dəyməzinə satmaqdansa, məhsulu ağacda saxlamağa üstünlük verir. Nəticədə tonlarla xurma ya dərilmədən çürüyür, ya da çöl quşlarına yem olur.
Bağ sahibləri deyirlər ki, xurmanın yerindən alış qiyməti ilə bazarlardakı satış qiyməti arasındakı fərq 5 dəfəyə çatır. Onların sözlərinə görə, alverçilər bağlardan xurmanın bir yeşiyini (təqribən 10 kiloqram) 2 manata alırlar. Bu isə o deməkdir ki, xurmanın hər kiloqramından fermerə cəmi 20 qəpik qalır. Ona görə də kəndlilər xurmanı alverçilərə “hədiyyə etməkdənsə”, məhsulu ağacda saxlamağı daha münasib sayırlar.
Məsələ ilə bağlı Xaçmaz Dövlət Aqrar İnkişaf Mərkəzindən (DAİM) bildirilib ki, rayonda salınmış 759,5 hektar xurma sahəsindən 730 hektarı meyvə verən ağaclardan ibarətdir. Qeyd olunub ki, bu il Xaçmazda 6 min 924 ton xurma yığılıb. Bu da hər hektara 94 sentner məhsuldarlıq deməkdir:
“Hazırda xurma yığımı davam edir. Bu meyvəni kəndlilər əsasən öz həyətyanı sahələrində yetişdirirlər. Son illər satış zəif olduğundan, fermerlər xurmadan daha gəlirli olan alma, üzüm və gilas kimi məhsuldar meyvələr yetişdirməyə çalışırlar. Xurma hava şəraitinə görə əsasən Aran rayonlarında yetişdirilir və xarici bazarlara çıxarılır. Şimal bölgəsində yetişən xurma isə daha çoxu daxili bazara çıxarılır, qismən də Rusiyaya ixrac olunur”.
Şabran Dövlət Aqrar İnkişaf Mərkəzindən (DAİM) məlumat verilib ki, rayonda ümumi sahəsi 158,1 hektar olan xurma bağlarından bu il 689,08 ton məhsul yığılıb. Hər hektar üzrə məhsuldarlıq 45,1 sentner təşkil edib.
Həm Xaçmaz, həm də Şabran DAİM-ləri satışın zəif olmasını xurmaçılığın bu rayonların kənd təsərrüfatında əsas sahələrdən biri olmaması ilə izah ediblər.
© “Report”
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
8 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
8 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
9 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
9 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
10 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 12 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır

























