Bakıda “BAKUARCHIFEST 24: Architecture & Human” memarlıq festivalı keçiriləcək

Bakıda “BAKUARCHIFEST 24: Architecture & Human” memarlıq festivalı keçiriləcək

Bakıda “BAKUARCHIFEST 24: Architecture & Human” memarlıq festivalı keçiriləcək

(®) Bakıda ilk dəfə “Baku Archifest 24: Architecture & Human” tədbiri keçiriləcək. 4-6 dekabr tarixlərində baş tutacaq tədbir “Memarlıq və İnsan” şuarı ilə memarlıq sahəsində yeniliklərə marağı olan hər kəsi bir araya gətirəcək.

Üç gün davam edəcək bu unikal tədbir, memarlıq sahəsində peşəkarlar və tələbələr, o cümlədən Azərbaycan tikinti sektorunda aparıcı rol oynayan tərəflər üçün mükəmməl bir platforma olmaqla yanaşı, aktual memarlıq problemlərinə yenilikçi həllərin öyrənilməsi və müzakirəsinə geniş imkan yaradacaq.

“Baku Archifest 24: Architecture & Human” tədbirinin təşkilatçıları Azərbaycanın qabaqcıl layihəçi şirkətlərindən olan “Design Bureau” və Türkiyənin məşhur “Aslı Architecture” memarlıq şirkətidir.

Festivalın məqsədi, iştirakçıları memarlıq sahəsindəki ən son nailiyyətlərlə tanış etmək, həmçinin tanınmış mütəxəssislərin rəhbərliyi ilə maraqlı müzakirə və ustad dərslərinə qoşulmaq imkanı verməkdir. Burada iştirakçılar üçün yeni əlaqələr qurmaq və gələcəyin memarlıq anlayışlarını formalaşdırmaq istiqamətində əhəmiyyətli bir mühit yaradılacaq.

Festivalın proqramı

Tədbirin proqramında panel müzakirələr, tələbə və gənc memarların təqdimatları, müxtəlif ustad dərsləri və dizayn studiyalarına, şourumlara ekskursiyalar nəzərdə tutulur. İlk gün rəsmi açılış, sonrakı günlərdə təhsil və inkişaf yönümlü sessiyalar keçiriləcəkdir.

Festivalda hər kəs ödənişsiz iştirak edə bilər. Bunun üçün saytda (https://www.bakuarchifest.com/) yerləşdirilmiş Bilet (Ticket) bölməsinə daxil olaraq biletləri əldə edə bilərsiniz.

Festival haqqında ən son yenilikləri sayt və sosial media səhifəsindən izləyə bilərsiniz.

https://www.bakuarchifest.com/

Facebook, Instagram, Linkedin: @BakuArchifest

BakuArchifest Baku Archifest 24: Architecture & Human memarlıq Design Bureau Aslı Architecture tikinti sektor

09.11.2024 11:14

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az