Üçüncü CulTech Hakatonu keçiriləcək!

Üçüncü CulTech Hakatonu keçiriləcək!

Mədəniyyət və texnologiyanın birləşdiyi Yaradıcı Platforma. CulTech hakatonu mədəniyyət sahəsində çalışmaq istəyən gənclərin öz kreativ bacarıqlarını nümayiş etdirmələri üçün unikal imkandır.

12-13 oktyabr 2024-cü il tarixlərində Azərbaycanda üçüncü dəfə keçiriləcək CulTech hakatonu mədəniyyət və texnologiya sahələrini bir araya gətirərək yaradıcı sənayelərdə qarşıya çıxan problemlərə innovativ həll yolları tapmağı hədəfləyir.

Bu tədbir mədəniyyət sahəsində çalışmaq istəyən gənclərin və komandaların öz kreativ bacarıqlarını nümayiş etdirmələri üçün unikal imkan yaradır.

CulTech hakatonu 48 saat davam edəcək intensiv iş zamanı iştirakçıları peşəkar mentor dəstəyi ilə təmin edərək onların məhsul ideyalarını prototip mərhələsinə qədər inkişaf etdirmələrinə dəstək verəcək. Bu müddət ərzində komandalar mədəniyyət sahəsindəki aktual problemləri həll etməyə çalışacaq və hazırladıqları innovativ layihələri tədbirin sonunda münsiflər heyətinə təqdim edəcəklər.

Tədbirin sonunda münsiflər heyəti tərəfindən ən yaxşı layihələr seçiləcək və üç qalib komanda elan ediləcək. Qaliblərə həvəsləndirici hədiyyələr təqdim olunacaq:

- 1-ci yer: Samsung Galaxy Tab A9 planşeti

- 2-ci yer: JBL Tune 720 simsiz qulaqlığı

- 3-cü yer: Smartwatch

Hakaton mədəniyyət sahəsində kreativ həllərə yönəlmiş iştirakçılara müxtəlif sahələrdən peşəkarların köməyi ilə layihələrini gerçəkləşdirmək üçün əvəzsiz imkanlar təqdim edəcək.

Təşkilatçılar və dəstəkçilər: CulTech hakatonu, Azərbaycan Respublikası Mədəniyyət Nazirliyinin və Mədəni və Yaradıcı Sənayelərin İnkişaf Mərkəzinin dəstəyi ilə həyata keçiriləcək. Tədbir “SUP.VC” şirkətinin təşkilatçılığı ilə baş tutacaq.

- Tarix: 12-13 oktyabr 2024

- Məkan: Yaradıcı Mərkəz (Mehdi Mehdizadə küçəsi 29, Xətai rayonu, Bakı)

Müraciət üçün link:https://forms.gle/DkWrqMb2eJqEKtvY6

Əlaqə: info@sup.vc

04.10.2024 09:04

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az