“Azerconnect Group” “Beynəlxalq Kibertəhlükəsizlik Günləri” konfransında iştirak edib

“Azerconnect Group” “Beynəlxalq Kibertəhlükəsizlik Günləri” konfransında iştirak edib

“Azerconnect Group” dördüncü ‘‘Beynəlxalq Kibertəhlükəsizlik Günləri’’ (ICSD-2024) konfransında iştirak edib.

Kibertəhlükəsizlik sahəsində fəaliyyət göstərən yerli və xarici mütəxəssislər, dövlət və özəl sektorun nümayəndələrinin qatıldığı konfransda kibertəhlükəsizlik sahəsində yeniliklər və cari çağırışlar, innovasiyaların effektiv idarə edilməsi üzrə dünya təcrübəsi nəzərdən keçirilib.

“Azerconnect Group”un İnformasiya təhlükəsizliyi üzrə baş müdiri Orxan Sadıqov konfransda “Biznes, İT və informasiya təhlükəsizliyi arasında sinerji: məlumatların bütövlüyünü və qorunmasını hədəfləmək” adlı panel müzakirələrə qatılıb. O, çıxışı zamanı şirkətin ən son beynəlxalq təcrübə və standartlara uyğun təhlükəsiz əməliyyatlar mərkəzi, həmçinin müştəri məlumatları və kritik infrastrukturun qorunması sahələrində görülən tədbirlər barədə danışıb.

Eyni zamanda, iştirakçılara süni intellektin kibertəhlükəsizlik sahəsinə tətbiqi, rəqəmsal məhsulların hazırlanması prosesində təhlükəsizlik həllərinin avtomatlaşdırılması istiqamətində əldə olunan nailiyyətlər barədə məlumat təqdim edilib.

Qeyd edək ki, "PROSOL" şirkətinin təşkilatçılığı ilə 19-20 sentyabr tarixlərində keçirilən konfrans ‘‘Yaşıl iqtisadiyyat naminə kibertəhlükəsizlik’’ mövzusuna həsr olunub.

“Azerconnect Group” haqqında

Ölkəmizin dinamik şəkildə inkişaf edən İKT və yüksək texnologiyalar sahələrində fəaliyyət göstərən “Azerconnect Group” mobil, internet, beynəlxalq kanalların təşkili və FinTech, AdTech, Media/TV kimi rəqəmsal xidmətlər təqdim edir.

“Azerconnect Group” müxtəlif ölkələrdə enerji, telekommunikasiya, yüksək texnologiyalar və tikinti sahələrində fəaliyyət göstərən “NEQSOL Holding” beynəlxalq şirkətlər qrupunun tərkibinə daxildir.

23.09.2024 10:28

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az