Məktəbli yarmarkaları fəaliyyətə başlayıb - ÜNVANLAR

Məktəbli yarmarkaları fəaliyyətə başlayıb - ÜNVANLAR

Məktəbli yarmarkaları fəaliyyətə başlayıb - ÜNVANLAR

Bakı Şəhər İcra Hakimiyyəti (BŞİH) tərəfindən paytaxtın müxtəlif ərazilərində məktəbli yarmarkaları təşkil olunub.

Bakı Şəhər İcra Hakimiyyəti (BŞİH) Ticarət və Xidmət Departamentinin mətbuat xidmətinin rəhbəri Əliabbas Bağırov bildirib ki, 10-dək məktəbli yarmarkası “Koroğlu”, “Neftçilər”, “Elmlər Akademiyası”, “İnşaatçılar”, Nəriman Nərimanov”, “28 May” stansiyalarının giriş-çıxışında yaradılıb.

Onun sözlərinə görə, yarmarkalar əhalinin daha çox sıx olduğu Yasamal, Suraxanı, Nizami, Nəsimi, Nərimanov, Səbail rayonlarda fəaliyyət göstərəcək. Bu yarmarkaların 1 ay müddətində - avqustun 25-dən sentyabrın 25-dək tam fəaliyyət göstərəcəyini deyən Ə.Bağırov qeyd edib ki, burada məqsəd yeni tədris ili ərəfəsində orta məktəb şagirdlərinin məktəbli ləvazimatlarına olan ehtiyaclarını daha asan, rahat, çevik şəkildə təmin etməkdir:

“Yarmarkalar üçün çadırlar qurulub və burada məktəblilər üçün lazım olan bütün ləvazimatlar - kitab, dəftər, qələm, karandaş, çanta və digər məhsullar satılır. Bu ərazilər vahid mərkəzdən idarə olunacaq, Bakı şəhər İcra Hakimiyyəti tərəfindən qiymətlərə və xidmətə nəzarət ediləcək. İstəyirik ki, məktəbli ləvazimatlarının satışı pərakəndə şəkildə olmasın, kim harada istəyir məhsul satmasın, şəhər bazara çevrilməsin, küçələrdə xırda ticarətlər olmasın. Yarmarkalarda qiymətlərin nisbətən ucuz olması nəzərdə tutulub. Ancaq nəzərə almaq lazımdır ki, bütün məhsulların qiymətini bazar tənzimləyir. Məsələn, qiyməti 2.50 qəpiyə olan hansısa məhsul yarmarkada 1.50 qəpiyə satıla bilməz. Qiymətlərdə çox az fərq hiss olunacaq”, - deyə Ə. Bağırov bildirib.

22.08.2017 14:03

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az