Aktiv ƏDV ödəyicilərinin sayı, aktiv vergi ödəyicilərinin sayından daha sürətli artıb

Aktiv ƏDV ödəyicilərinin sayı, aktiv vergi ödəyicilərinin sayından daha sürətli artıb

2024-cü ilin avqustun 1-nə aktiv vergi ödəyicilərinin sayı ilin əvvəli ilə müqayisədə 2,5 faiz artıb və 780,5 min olub.

Marja xəbər verir ki, bu barədə Dövlət Vergi Xidməti məlumat yayıb.

VTB-də yüksək depozit faizləri daha çox qazandırır

Qeyd edilib ki, aktiv ƏDV ödəyicilərinin sayı 9,2 faiz artaraq 49,9 min, aktiv təsərrüfat subyektlərinin (obyektlərinin) sayı isə 2,2 faiz artaraq 209,1 min təşkil edib.

Naxçıvanda aktiv vergi ödəyicilərinin sayı 19 mindən çoxdur

Naxçıvan Muxtar Respublikasında 1 avqust 2024-cü il tarixinə aktiv vergi ödəyicilərinin sayı ilin əvvəli ilə müqayisədə 24 faiz artıb və 19.219 olub. Hesabat dövründə aktiv ƏDV ödəyicilərinin sayı 22 faiz artaraq 522 təşkil edib. Aktiv obyektlərin (təsərrüfat subyektlərinin) sayı isə ilin əvvəli ilə müqayisədə 2 faiz artaraq 5.432-yə çatıb.

10 MİLYARD MANATDAN ÇOX VERGİ YIĞILIB

2024-cü ilin yanvar-iyul ayları ərzində İqtisadiyyat Nazirliyi yanında Dövlət Vergi Xidmətinin xəttilə dövlət büdcəsinə 10 milyard 272 milyon 795,7 min manat vergi daxil olub. Qeyri-neft-qaz sektorundan daxilolmalar 6 milyard 944,1 milyon manat təşkil edib. 2023-cü ilin müvafiq dövrü ilə müqayisədə bu sektordan vergi daxilolmaları 778,8 milyon manat və ya 12,6 faiz çox olub.

Naxçıvanda vergi daxilolmaları 28,7 faiz artıb

2024-cü ilin yanvar-iyul aylarında Naxçıvan MR İqtisadiyyat Nazirliyi yanında Dövlət Vergi Xidmətinin xətti ilə büdcəyə 116,8 milyon manat vergi daxil olub ki, bu da ötən ilin eyni dövrü ilə müqayisədə 26 milyon manat və ya 28,7 faiz çoxdur.

Cari ilin 7 ayında Naxçıvanda vergi daxilolmaları üzrə proqnoz 122 faiz icra edilib.

Ödənilən vergilərin 67,6 faizi qeyri-neft-qaz sektorunun, 32,4 faizi isə neft-qaz sektorunun payına düşüb.

08.08.2024 11:20

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az