Mask "X"i boykot edən şirkətlərə müharibə elan etdi

Mask "X"i boykot edən şirkətlərə müharibə elan etdi

Mask "X"i boykot edən şirkətlərə müharibə elan etdi

Amerikalı sahibkar İlon Mask, sahibi olduğu "X" (keçmiş Twitter)-ı boykot edən şirkətlərə müharibə elan etdiyini açıqlayıb.

"İki il ərzində biz sülhə cəhd etdik, indi müharibədir", - o, "X" səhifəsində yazıb.

VTB-də minimal faiz dərəcəsi ilə nağd kredit 10.49%-dən

Marja xəbər verir ki, "X" şirkəti Media üçün Qlobal Alyans (GARM), Ümumdünya Reklamçılar Federasiyası (WFA) və ayrı-ayrı şirkətlər (CVS Health, Mars, Orsted və Unilever) barəsində məhkəməyə müraciət edib

Səbəb, "X" sosial şəbəkənin səhifələrində reklam yerləşdirməyən şirkətlərin “sistemli qanunsuz boykot” etməsidir.

"X"ın İcraçı Direktoru Linda Yaccarino da sosial media hesabında reklamçılara açıq məktub paylaşıb. Həmin məktubda Yaccarino "X"ın GARM, WFA və GARM üzvləri CVS Health, Mars, Orsted və Unilever-ə qarşı antiinhisar iddiası qaldırdığını bildirib.

ABŞ Nümayəndələr Palatasının Məhkəmə Komitəsinin keçən ay "GARM-ın Zərərləri" adlı hesabatını oxuduğunu qeyd edən Yaccarino, hesabatda "X" da daxil olmaqla bir çox şirkətə qarşı qanunsuz boykotlara dair dəlillərin əldə edildiyini bildirib.

Yakkarino bu təşkilatların və onların rəhbərlərinin qanunsuz hərəkətlərinin "X" şirkətinə milyard dollara başa gəldiyini bildirib.

Boykot, İlon Maskın "Twitter"i satın almasından sonra 2022-ci ilin noyabrında başlayıb. Baykota "Twitter"in məzmun və təhlükəsizlik standartlarının dəyişdiriləcəyi ilə bağlı narahatlıqlar səbəb olub.

"Rəqabət edən reklamçılar arasında kollektiv fəaliyyət rəqabət prosesini zəiflədir və bazar gücünə malik bir qrup reklamçının kollektiv fikirlərinin istehlakçıların maraqlarından üstün olmasına imkan verir", - "X-"ın şikayətində deyilir.

İlon Mask 2022-ci ildə "Twitter"i aldıqdan sonra platformanın reklam gəlirlərində azalma müşahidə olunub.

07.08.2024 09:15