Orxan Nəzərli Naxçıvana səfər edib, Vergi ödəyicilərinə xidmət mərkəzinin açılış mərasimində iştirak edib

Naxçıvan Muxtar Respublikasının (MR) Babək şəhərində Vergi ödəyicilərinə xidmət mərkəzi istifadəyə verilib.
Bu barədə Marja-ya İqtisadiyyat Nazirliyi yanında Dövlət Vergi Xidmətindən bildirilib.
Qeyd edilib ki, bununla əlaqədar Naxçıvan MR-ə səfər edən İqtisadiyyat Nazirliyi yanında Dövlət Vergi Xidmətinin (DVX) rəisi Orxan Nəzərli və onu müşayiət edən şəxslər, eləcə də Naxçıvan MR iqtisadiyyat nazirinin müavini, nazir vəzifəsini müvəqqəti icra edən Abbas İsmayılov əvvəlcə ulu öndər Heydər Əliyevin Naxçıvan şəhərində ucaldılmış abidəsini ziyarət edib, önünə gül dəstələri düzüblər.
DVX rəisi Orxan Nəzərli Azərbaycan Respublikası Prezidentinin Naxçıvan MR-də səlahiyyətli nümayəndəsi Fuad Nəcəfli ilə görüşüb. Görüşdən sonra Babək şəhərində Vergi ödəyicilərinə xidmət mərkəzinin açılış mərasimi keçirilib.
Tədbirdə Azərbaycan Respublikası Prezidentinin MR-də səlahiyyətli nümayəndəsi Fuad Nəcəfli, İqtisadiyyat Nazirliyi yanında Dövlət Vergi Xidmətinin rəisi Orxan Nəzərli, muxtar respublikanın hökumət rəsmiləri, sahibkarlar və ictimaiyyət nümayəndələri iştirak ediblər.
Prezidentin səlahiyyətli nümayəndəsi Fuad Nəcəfli Naxçıvanda vergi ödəyicilərinə keyfiyyətli xidmətlərin göstərilməsinin, bu məqsədlə xidmət mərkəzlərinin qurulmasının diqqətdə saxlanıldığını bildirib. Qeyd edib ki, 2023-cü ilin may ayında Naxçıvan, 2024-cü ilin fevral ayında isə Ordubad və Şərur şəhərlərində vergi ödəyicilərinə xidmət mərkəzləri istifadəyə verilib. Bu gün isə analoji xidmət Babək rayonunda təşkil olunur.
“Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”nın ötən ildən icra olunduğunu xatırladan səlahiyyətli nümayəndə vurğulayıb ki, belə mərkəzlərin yaradılması Dövlət Proqramının icrası ilə birbaşa bağlıdır. Vergi ödəyicilərinə xidmət mərkəzi bu sahədə işin səmərəliliyini və xidmətin keyfiyyətini daha da artıracaq. Mərkəzin müasir imkanları hesabına vergi ödəyicilərinin müraciətlərinə qısa zamanda reaksiya veriləcək, problemləri yerində həll olunacaq. Bütün bunlar sahibkarlığın inkişafına böyük dəstəkdir.
İqtisadiyyat Nazirliyi yanında Dövlət Vergi Xidmətinin (DVX) rəisi Orxan Nəzərli bildirib ki, DVX-nin 2024-2030-cu illər üçün inkişaf strategiyasının mühüm bir hissəsi effektiv vergi xidmətləri sisteminin təşkili ilə bağlıdır. Bu gün əsas hədəflərdən biri vergi orqanının müştəriyönümlü fəaliyyəti və xidmətlərin vergi ödəyicilərinin ehtiyac və gözləntilərinin ödənilməsinə istiqamətlənib. Orxan Nəzərli qeyd edib ki, Babəkdə açılan yeni mərkəz vergi ödəyicilərinə göstərilən müasir xidmətlər dairəsinin genişləndirilməsi istiqamətində tədbirlərin növbəti mərhələsidir. DVX rəisi xidmət mərkəzinin rayon ərazisində fəaliyyət göstərən sahibkarlara vergi məsələlərində zəruri dəstəyi təmin edəcəyinə əminliyini diqqətə çatdırıb.
Naxçıvan MR iqtisadiyyat nazirinin müavini, nazir vəzifəsini müvəqqəti icra edən Abbas İsmayılov bildirib ki, muxtar respublikada fəaliyyət göstərən ən yeni avadanlıqlarla təchiz edilmiş modern xidmət mərkəzləri geniş funksiyalara malik olmaqla, ümumilikdə 51.400-ə yaxın vergi ödəyicisinə vergi sahəsi üzrə bütün xidmətləri təqdim edir və onların vergi məsələlərinin həllinə dəstək göstərir.
Sonra Vergi Ödəyicilərinə Xidmət Mərkəzi ilə tanışlıq olub. Tədbir iştirakçıları mərkəzin tikinti prosesi haqqında çarxa baxıb, buradakı texniki imkanlar və vergi ödəyiciləri üçün yaradılmış şəraitlə tanış olublar. Bildirilib ki, ən yeni avadanlıqlarla təchiz edilmiş müasir dizaynlı xidmət mərkəzi geniş funksiyalara malikdir. Mərkəzdə sahibkarlara vergi uçotuna alınmaq, vergi qanunvericiliyinin tətbiqi, bəyannamə və hesabatların tərtib edilməsi və göndərilməsi, vergi ödəyiciləri ilə vergi orqanı arasında elektron sənəd mübadiləsinin aparılması, “ASAN İmza” sertifikatlarının verilməsinə dair xidmətlər göstəriləcək. Xidmət mərkəzində özünəxidmət bölməsi qurulub, vergi ödəyicilərinə büdcəyə olan borclarını öyrənmək və öz şəxsi vərəqələrinə nəzər salmaq üçün imkan yaradılıb. Sabit vergi ödəyən fiziki şəxslər sadələşdirilmiş vergi üzrə sabit məbləğin ödənilməsi haqqında qəbzi də xidmət mərkəzindən əldə edə biləcəklər. Bununla yanaşı, mərkəzdə şəhid ailələri və Vətən müharibəsi qazilərinə növbədənkənar xidmət göstərilməsi təmin olunub.
Mərkəzlə tanışlıq zamanı Naxçıvan MR iqtisadiyyat nazirinin müavini, nazir vəzifəsini müvəqqəti icra edən Abbas İsmayılov MR-də yaradılmış əlverişli biznes mühiti və tətbiq edilən müasir vergi inzibatçılığı nəticəsində 2024-cü ilin yanvar – iyun ayları ərzində əldə olunmuş bəzi göstəricilər barədə təqdimat edib. Bundan başqa, Naxçıvan MR İqtisadiyyat Nazirliyinin əməkdaşlarının “Naxçıvanın turizm potensialı” və “Naxçıvanın logistika və nəqliyyat potensialı” mövzularında təqdimatları dinlənilib.
Ən son texnoloji yeniliklər, elektron növbə və müasir xidmət avadanlıqları ilə təmin olunan mərkəzə müraciət edən vergi ödəyicilərinə xidmət prosesi əyani şəkildə göstərilib.
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az
Müştərilərin xəbərləri
SON XƏBƏRLƏR
-
2 ay sonra
Aviabilet • Otel axtarışı • Qrup səyahətləri • Turlar - Xidmətlər bir arada
-
5 saat əvvəl
MEDİA Agentliyində Özbəkistanın məsul şəxsləri və media nümayəndələri ilə görüş keçirilib
- 6 saat əvvəl
-
- 6 saat əvvəl
- 7 saat əvvəl
- 7 saat əvvəl
-
7 saat əvvəl
Dünyanın 20-dən artıq ölkəsindən məşhur ürək-damar cərrahları Bakıya toplaşır!
-
8 saat əvvəl
"Bakcell" mobil tətbiqi süni intellekt dəstəkli təkliflər dövrünə keçir
-
8 saat əvvəl
Gəncə Avtomobil Zavodunun məhsulları Türkiyə bazarına çıxarılacaq
- 8 saat əvvəl
-
8 saat əvvəl
Azərbaycan Ukraynanın 5 şirkətinə qoyulan məhdudiyyəti aradan qaldırdı
-
9 saat əvvəl
"Ekolizinq" şirkətinin istiqrazlarına 2 investor 2 sifariş təqdim edib
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az
Son Xəbərlər

MEDİA Agentliyində Özbəkistanın məsul şəxsləri və media nümayəndələri ilə görüş keçirilib

Şirkətinizin uğuru sağlam və xoşbəxt işçilərdən asılıdır

Dolların sabah üçün rəsmi məzənnəsi məyyən olunub

Gəncə Avtomobil Zavodunun məhsulları Türkiyə bazarına çıxarılacaq

Bəzi məhkəmələrə sədr və müavinlər təyin olundu - SİYAHI
Ən çox oxunanlar

Türkmənistandan Azərbaycana pomidor idxalına məhdudiyyət qoyuldu

Dövlət tərəfindən 6000 qutu paylanacaq

Yeni elektron xidmət: Sifarişçi İcraçının kommersiya sirri məlumatlarına baxa biləcək

"Modern Construction Group" 1 il QSC olduqdan sonra yenidən MMC-yə çevrilməyə qərar verib

Rusiya AZAL-ın təyyarəsinin qəzaya uğraması ilə bağlı istintaqı uzadır, Azərbaycanın müraciətlərinə cavab vermir
