Tanınmış idmançılar qlobal şirkətləri birdəfəlik plastik butulkaların satışını dayandırmağa çağırıb

Tanınmış idmançılar qlobal şirkətləri birdəfəlik plastik butulkaların satışını dayandırmağa çağırıb

Tanınmış idmançılar qlobal şirkətləri birdəfəlik plastik butulkaların satışını dayandırmağa çağırıb

Dünyada tanınmış yüzədək idmançı “Coca-Cola” və “Pepsi” içkilərinin istehsalçılarını birdəfəlik plastik butulkaların satışını dayandırmağa, ətraf mühitin plastiklə çirkləndirməsinə son qoymağa və idman tədbirlərinin sponsorluğu zamanı təkrar istifadə edilə bilən qabları təşviq etməyə çağırıblar.

“Politico” nəşri xəbər verir ki, çağırış Parisdə iyulun 26-da “Coca-Cola”nın sponsorluğu ilə başlayacaq Olimpiya və Paralimpiya oyunları ərəfəsində səsləndirilib.

VTB-də yüksək depozit faizləri daha çox qazandırır

Məqalədə qeyd olunur ki, Paris Olimpiadasında iştirak edəcək 102 həqiqi və keçmiş idmançı iyulun 10-da “Coca-Cola” şirkəti, onun “Coca-Cola Europacific Partners” Avropa filialına və amerikalı rəqibi “PepsiCo” şirkətinin baş direktorlarına məktub göndərərək onları “Olimpiya və idman ruhunda” plastiklə çirklənməyə son qoymağa çağırırlar.

Məktuba imza atanlar arasında fransalı vindserfer Şarlin Pikon, atçılıq üzrə Olimpiya oyunlarının gümüş mükafatçısı irlandiyalı Sara Ennis, amerikalı üzgüçü və ikiqat Olimpiya qızıl medalı sahibi Zak Epple, həmçinin Almaniya, İsveç, Polşa, Nigeriya və Meksika idmançıları var. Məktuba həmçinin doqquz beynəlxalq idman təşkilatı imza atıb.

“Break Free From Plastic” (BFFP) beynəlxalq ətraf mühit təşkilatının qlobal audit hesabatına görə, “Coca-Cola”, “PepsiCo” və “Nestle” planetin plastik çirklənməsində liderdir. “BFFP”nin araşdırmalarının nəticələri “Coca-Cola”nın ətraf mühiti “Pepsi” və “Nestle”nin birlikdə götürüldüyündən daha çox çirkləndirdiyini göstərir.

“Politico” xatırladır ki, hələ keçən il Paris meri Ann İdalqo Olimpiya oyunlarında birdəfəlik plastikin istifadə edilməsinə qadağa qoyulduğunu elan etsə də, Fransa mediası Olimpiadada içkilərin təxminən 40 faizinin plastik butulkalarda gətiriləcəyini bildirib.

12.07.2024 09:12

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az