Mərkəzi Bank Orta Asiya ölkələrinin mərkəzi bank nümayəndələrini regional görüş ətrafında toplayıb

Mərkəzi Bank Orta Asiya ölkələrinin mərkəzi bank nümayəndələrini regional görüş ətrafında toplayıb

Mərkəzi Bank Orta Asiya ölkələrinin mərkəzi bank nümayəndələrini regional görüş ətrafında toplayıb

Azərbaycan Respublikasının Mərkəzi Bankının təşəbbüsü ilə 13-14 iyun tarixlərində Bakı şəhərində Qazaxıstan, Qırğızıstan, Özbəkistan və Tacikistan mərkəzi banklarının nümayəndələrinin iştirakı ilə regional tədbir təşkil olunub.

Mərkəzi Bankın yaydığı məlumatda bildirilir ki. bu tədbir çərçivəsində mərkəzi bankların ödəniş sahəsi üzrə ekspertləri arasında təcrübə mübadiləsi baş tutub və qlobal ödəniş trendlərinə dair müzakirələr aparılıb.

Tədbir çərçivəsində Azərbaycanın ödəniş sektorunda baş verən yeniliklər, qanunvericilik bazasının təkmilləşdirilməsi, nağdsız ödənişlərdən istifadə trendləri, tətbiq olunan innovativ ödəniş həlləri, fintexlərin ödəniş bazarına cəlb edilməsi, eləcə də Milli Ödəniş Sisteminin əhatəliliyinin genişləndirilməsi istiqamətində həyata keçirilən tədbirlər barədə məlumatlar diqqətə çatdırılıb.

Həmçinin rəqəmsal valyutaların tətbiqi imkanları, ani ödəniş sistemlərindən istifadənin artırılması, açıq bankçılıq modelinin fintexlərin inkişafında rolu, maliyyə sektorunda müasir tənzimləmə texnologiyalarının tətbiqi, mərkəzi banklar arasında kibertəhlükəsizlik sahəsində məlumat mübadiləsinin genişləndirilməsi kimi mühüm məsələlərə dair müzakirələr də yer alıb. Görüşlərdə Azərbaycan və Orta Asiya mərkəzi bankları arasında gələcək əməkdaşlıq imkanları nəzərdən keçirilib və ölkələrin ödəniş infrastrukturunun inteqrasiya imkanları da müzakirə edilib.

14.06.2024 15:53

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az