“Bilik təcrübədə tamamlanır” şüarı ilə bu il IX dəfə keçiriləcək Milli Marketinq Forumu 28, 29 və 30 iyun tarixlərində “Baku Marriott Hotel Boulevard”da keçiriləcək.

“Facemark” və “Fil Agency” şirkətlərinin birgə təşkilatçılığı ilə həyata keçiriləcək forum 9 paneldən ibarət olacaq. 500-dən çox şirkət nümayəndələrinin iştirakı ilə baş tutacaq tədbir ölkəmizdə marketinq sahəsinin inkişafına dəstəyi və sahə üzrə yerli kadrların daha da təkmilləşdirilməsini hədəfləyir.

28 iyun online, 29, 30 iyun tarixlərində offline davam edəcək tədbirin ilk günü “Təhsildə Marketinq və PR” paneli ilə başlayacaq. Panelin moderatoru “Libraff”ın PR meneceri Sərxan Rüstəmov, spikerləri isə “Baku Design Academy”nin təsisçisi Aysel Gülməmmədova, “Holberton School Azerbaijan” şirkətinin CEO-su Şəmsi Bayramzadə, UNEC müəllimi Qələndər Məmmədli, “Çapar” yayınlarının təsisçisi Yusif İlhamoğlu öz təcrübələrini bölüşəcəklər.

“Sosial Media və Kreativ” paneli “Adver.az” şirkətinin kreativ direktoru Teymur Məmmədovun moderatorluğu ilə baş tutacaq.  “Admedia” şirkətinin rəqəmsal departamentin rəhbəri Fidan Həsənzadə, “BHB Strategic & Creative Co.” şirkətinin icraçı kreativ direktoru Ağarəcəb Cəfərov, “Kapital Bank”ın kreativ eksperti Eşqin İbrahimov, “Paşa Life” şirkətinin marketinq eksperti Mahal Abayeva sosial mediada ən son marketinq trendləri haqqında çıxış edəcəklər.

“Marketinq Kommunikasiyaları və Reklam” paneli "LİBRAFF" və "TEAS PRESS" Nəşriyyat Evinin Marketinq və PR Rəhbəri Afaq Hüseynəliyevanın moderatorluğu ilə keçiriləcək. “LİV Bona Dea Hospital”ın marketinq mütəxəssisi Günay İmanova, “AI İnara Group”un təsisçisi İnara İbrahim, “Endorphin” agentliyinin rəqəmsal qrup rəhbəri Müşfiq Şirəliyev, “LTC Lab” şirkətinin marketinq direktoru Mirnadir Seyidzadə, “Sab Azərbaycan” şirkətinin marketinq direktoru Özalə Əliyeva və “Başkent” Restoranlar Şəbəkəsinin marketinq direktoru Ramin Fərəcullayev spiker qismində çıxış edəcəklər.

Qeyd edək ki, tədbir 28 iyun online formatda “Event Magix” beynəlxalq platformasının vasitəsilə baş tutacaq.

Milli Marketinq Forumuna bilet əldə etmək və tədbirlə bağlı ətraflı məlumat əldə etmək üçün forumun rəsmi saytına (https://millimarketinqforumu.az/) keçid edə və sosial media hesablarımızı izləyə bilərsiniz.

Facebook: https://www.facebook.com/MilliMarketinqForumu

İnstaqram: https://www.instagram.com/milli_marketinq_forumu/

Linkedln: https://www.linkedin.com/company/milli-marketinq-forumu/