ABŞ dolları bugün Asiya sessiyasının ilk ticarət saatlarında daha zəif tonunu qoruyub, avro və funt-sterlinq kimi əsas valyutalar qarşısında enişini davam etdirir. Dollar indeksindəki bu geriləmə Federal Ehtiyatlar Sisteminin ilin sonunda faiz dərəcələrini azaldacağı ehtimalını artıran potensial yavaşlamağa işarə edən ABŞ əmək bazarının son məlumatlarından sonra yaşanmaqdadır.

Valyuta bazarlarında dollar Yapon yeninə qarşı ucuzlaşaraq 155.39 yen səviyyəsində ticarət edilib. Avro isə 0.3% bahalaşaraq 1.0782 səviyyəsini test edib. Dolların valyuta səbəti qarşısında dəyərini ölçən dollar indeksi dəyişməyərək 105.20 bənd səviyyəsinə kimi geriləyib

ABŞ-da işsizlik müavinəti müraciətlərinin artması dolların zəifləməsində təsirli oldu. Bu məlumatlar, keçən həftəki zəif məşğulluq hesabatı ilə birlikdə, FED-in faiz dərəcələrindəki düzəlişlərinin vaxtı və əhatə dairəsi ilə bağlı vəziyyət bazarlarda risk iştahını artırdı.

Əsas valyutalar ABŞ Xəzinədarlıqları və əmtəələrində cüzi yüksəlişin təsiri ilə dəyər qazanıblar. Aşağı gəlirli olmasına baxmayaraq, İngiltərə Mərkəzi Bankının (BoE) yumşaq monetar siyasətə keçid etməsi ehtimallarını qiymətləndirməsindən sonra təzyiq altında qalan yen və funt dəyər qazandı.

Analitiklər həftəlik Amerikada əmək bazarı ilə bağlı açıqlanan son göstəriciləri şərh edərkən ehtiyatlı olmağı məsləhət görürlər. Spekulyantlar da ABŞ faiz dərəcələri ilə əhəmiyyətli fərqi nəzərə alaraq, yenin aşağı gəlirlərini yaxından izləyirlər.

Yaponiya hökuməti, maliyyə naziri Şuniçi Suzuki vasitəsilə, bazar təxminləri Tokyonun keçən həftə yeni dəstəkləmək üçün təxminən 60 milyard dollar xərclədiyini açıqladıqdan sonra, lazım gələrsə, valyuta bazarlarına müdaxilə etməyə hazır olduğunu təsdiqlədi. İqtisadçılar bazarın müdaxilə səylərinə reaksiyasını şərh edərək, dollar-yen paritetinin 155 səviyyəsi ətrafında sabitləşəcəyini ehtimal edirlər.

Funt-sterlinq, BoE-nin faiz dərəcəsinin mümkün azaldılması siqnalından sonra aprelin 24-dəki minimum səviyyəsindən 1.2520 hədlərinə kimi  qalxdı. Cümə axşamı günü BoE uçot dərəcəsini 5.25% səviyyəsində saxladı, lakin Pul-kredit Siyasəti Komitəsinin ikinci rəsmisinin mövqeyinin dəyişməsi gələcəkdə dərəcələrin azaldılması ehtimallarını bir qədər də artırdı

ABŞ Xəzinədarlıq istiqrazlarının gəlirləri cümə axşamı günü düşdü, bazar 125 milyard dollar yeni veksel və istiqraz tədarükünü mənimsədiyi üçün 10 illik dövlət istiqrazlarının gəlirlilik faizi 4.46%-ə qədər gerilədi. İnvestorlar indi inflyasiya meyllərinin əlavə göstəricisi üçün gələn həftə ABŞ-da İstehsal Qiymətləri İndeksi (PPI) və İstehlak Qiymətləri İndeksi (CPI) hesabatlarını səbirsizliklə gözləyirlər.

Digər tərəfdən, Çin və ABŞ arasında davam edən ticarət gərginliyində yeni bir inkişaf oldu və ABŞ cümə axşamı açıqladığı ticarət məhdudiyyətləri siyahısına 37 Çin qurumunu əlavə etdi. Bildirilib ki, bu təşkilatlar ABŞ-ın milli təhlükəsizliyi və ya xarici siyasət maraqlarına zidd fəaliyyət göstərir və ABŞ-lı təchizatçılar üçün təchizat zəncirinin münasibətlərini çətinləşdirir.

Məlumat İnvest-AZ İnvestisiya Şirkətinin analitikləri tərəfindən hazırlanıb.